9 აპრილია დღეს, ყველაზე მნიშვნელოვანი თარიღი საქართველოს უახლეს ისტორიაში! თარიღი ორმაგი განცდის - გლოვისა და გამარჯვების - ამიტომაც ვალდებული ვართ, დავიცვათ მათი მონაპოვარი! ვალდებული ვართ არ დავუთმოთ ეს ქვეყანა რუსეთს! ვალდებული ვართ, ვიბრძოლოთ ბოლომდე - გამარჯვებამდე, - ამის შესახებ „ძლიერი საქართველოს“ ლიდერი, მამუკა ხაზარაძე სოციალურ ქსელში წერს.

მისი თქმით, 9 აპრილია ქართული სახელმწიფოს დაბადების ათვლის წერტილი, რომელსაც 21-მა გმირმა საკუთარი სიცოცხლე შესწირა და ამით ჩვენ დამოუკიდებლობა მოგვიტანა.

„9 აპრილია დღეს… ყველაზე მნიშვნელოვანი თარიღი საქართველოს უახლეს ისტორიაში! თარიღი ორმაგი განცდის - გლოვისა და გამარჯვების!

9 აპრილია ქართული სახელმწიფოს დაბადების ათვლის წერტილი, რომელსაც 21-მა გმირმა საკუთარი სიცოცხლე შესწირა და ამით ჩვენ დამოუკიდებლობა მოგვიტანა.

36 წელია ამ სახელებს და გვარებს ვიმეორებთ ტკივილიანი სიამაყით, რადგან ყოველ მომდევნო თაობას დიდ ტრავმასთან ერთად, მათ დაუტოვეს ისტორიული მეხსიერება, რომ თავისუფლებისთვის ბრძოლა არის უწყვეტი პროცესი და რომ ეს საქართველოს თითოეული მოქალაქის უპირველესი ვალდებულებაა.

აი, ამიტომაც ვალდებული ვართ დავიცვათ მათი მონაპოვარი!

ვალდებული ვართ არ დავუთმოთ ეს ქვეყანა რუსეთს!

ვალდებული ვართ ვიბრძოლოთ ბოლომდე - გამარჯვებამდე“, - წერს ხაზარაძე.

ავტორი: ექსპრესნიუსი,

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს