უკრაინის პრეზიდენტის მრჩეველის, მიხაილო პოდოლიაკის თქმით, ფიქრობს, რომ საომარი მდგომარეობის გაუქმებისა და არჩევნების დანიშვნის შემთხვევაში ზელენსკიმ კენჭი ხელმეორედ უნდა იყაროს. 

ჟურნალისტმა პოდოლიაკს ჰკითხა, ქეყანაში საომარი მდგომარეობის გაუქმებისა და არჩევნების დანიშვნის შემთხვევაში, იყრიდა თუ არა ზელენსკი ხელახლა კენჭს. მანვე ხაზი გაუსვა, რომ პრეზიდენტის ოფისმა აქამდე საომარ მდგომარეობაში არჩევნების ჩატარებისთვის მზადება უარყო. 

"ეს არ არის კითხვა, რომელიც მე უნდა დამისვათ. თუმცა, მიმაჩნია, რომ მან მეორე ვადით უნდა იყაროს კენჭი, რადგან ის ღრმად არის ომში და ესმის, როგორ გამოვიდეს ამ ომიდან. თუმცა, ეს მისი გადასაწყვეტია, ის გადაწყვეტილებას მიიღებს იმის გათვალისწინებით, თუ რას ფიქრობს, რა უნდა გაკეთდეს შემდგომ. ჩემი პოზიცია ამასთან დაკავშირებით უცვლელია ამ დროის განმავლობაში: ზელენსკიმ კენჭი მეორედ უნდა იყაროს და ჩვენ გამარჯვების მოპოვების ყველა შანსი გვაქვს იმის გათვალისწინებით, თუ რამდენად ეფექტურად აქვს დამყარებული ზელენსკის ურთიერთობა გარე ბაზართან, რამდენად სუბიექტურად გამოიყურება უკრაინა. საჭიროა, რომ ეს შესაძლებლობები ომის შემდეგ რეალიზდებოდეს, ჩვენი პარტნიორების კონსოლიდირებული მხარდაჭერა დაგვჭირდება, არა მხოლოდ ევროპელების, არამედ ამერიკელებისაც. ვფიქრობ, რომ აქ ზელენსკის, რა თქმა უნდა, ძალიან პოზიტიური როლის შესრულება შეეძლება". - თქვა პოდოლიაკმა კითხვის პასუხად.

მანამდე, მედიაში გავრცელდა ინფორმაცია, რომ უკრაინის პრეზიდენტმა, ვოლოდიმირ ზელენსკიმ მოიწვია თათბირი, რომლზეც ვადამდელი არჩევნების ორგანიზებაზე ისაუბრა. გამოცემა The Economist წერდა, რომ არჩევნები შესაძლოა აპრილის ბოლომდე ჩატარდეს.

მოგვიანებით, უკრაინის საპარლამენტო ფრაქცია ხალხის მსახურის თავმჯდომარემ, დავით არახამიამ უარყო, რომ მსგავსი შეხვედრას ადგილი ჰქონდა. მისივე თქმით, "არანაირი არჩევნები არ იგეგმება".

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება