უნდა გვახსოვდეს, რომ ყოველი დღე თავისუფლებისთვის უნდა ვიბრძოლოთ, რადგან დღეს განსაცდელი, რომელიც ჩვენს სახელმწიფოს უდგას, რეალურია , - ამის შესახებ კოალიცია “ძლიერი საქართველოს” ერთ-ერთმა ლიდერმა, ბადრი ჯაფარიძემ რუსთაველის გამზირზე მიმდინარე აქციაზე განაცხადა.

როგორც ბადრი ჯაფარიძემ აღნიშნა, დღეს ქართველი ხალხის ერთობა ძალიან მნიშვნელოვანია.

"დღეს ისტორიული დღეა, ამ დღეს აქვს მნიშვნელობა ჩვენი ქვეყნისთვის, ჩვენი ხალხისთვის. ეს არის ერთ-ერთი უმნიშვნელოვანესი დღე, რამდენადაც ამ დღეს, 1991 წლის 31 მარტს ქართველმა ხალხმა მხარი დაუჭირა საქართველოს დამოუკიდებლობას. ეს იყო განსაკუთრებული ერთიანობის, ემოციის და თავისუფლებისთვის ბრძოლის კიდევ ერთი დამადასტურებელი დღე. ქართველი ხალხი მუდმივად ილტვოდა თავისუფლებისკენ. ეს დღე არის თავისუფლებისთვის ბრძოლის, ერთიანობის დღე. ამიტომ, დღეს ძალიან მნიშვნელოვანია აქ ყოფნა, რათა კიდევ ერთხელ აღვნიშნოთ, თუ რაოდენ დიდი მნიშვნელობა ჰქონდა რეფერენდუმს. უნდა გვახსოვდეს, რომ ყოველი დღე თავისუფლებისთვის უნდა ვიბრძოლოთ, რადგან დღეს ის განსაცდელი, რომელიც ჩვენს სახელმწიფოს უდგას, რეალურია. მას უნდა ვუპასუხოთ სწორედ იმ ერთიანობით, რომელიც 1991 წლის 31 მარტს იყო", - განაცხადა ჯაფარიძემ.

ავტორი: ექსპრესნიუსი,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება