2025-03-27 15:20:49, 1512 ნახვა
ომი უკრაინაში
რუსეთმა უკრაინაზე ბალისტიკური რაკეტით და 86 უპილოტო საფრენი აპარატით მიიტანა იერიში
27 მარტის ღამეს რუსეთის სამხედრო ძალებმა უკრაინაზე თავდასხმა Искандер-М ტიპის ბალისტიკური რაკეტით და 86 უპილოტო საფრენი აპარატით, მათ შორის შაჰედის ტიპის დრონებით მიიტანა იერიში. აქედან უკრაინის ძალებმა 42 დრონის განადგურება შეძლეს, 26 დრონი კი ლოკაციურად დაიკარგა.
ინფორმაციას ამასთან დაკავშირებით უკრაინის საჰაერო თავდაცვის ძალები ავრცელებენ.
"მტერმა უკრაინაზე ბალისტიკური რაკეტით ვორონეჟის ოლქიდან და 86 დამრტყმელი დრონით მილეროვოს, კურსკის, პრიმორსკო-ახტარსკის და ოკუპირებული ყირიმის ტერიტორიებიდან მიიტანა იერიში" - წერია განცხადებაში.
შეტევის შედეგად დაზიანდა ხარკოვის, სუმის, დნეპროპეტროვსკის და ჩერნიგოვის ოლქები.
ავტორი: ექსპრესნიუსი,
epn.ge (@expressnews.ge)
