უკრაინის პრეზიდენტი, ვოლოდიმირ ზელენსკი რუსეთის საოკუპაციო ძალების მიერ ქალაქ დობროპილიას დაბომბვასთან დაკავშირებით განცხადებას ავრცელებს. 

როგორც უკრაინის პრეზიდენტი წერს, ამგვარი თავდასხმები აჩვენებს, რომ პუტინის რუსეთის მიზნები არ შეცვლილა.

გასულ ღამეს, რუსეთის ჯარმა დონეცკის რეგიონში დობროპილიას ცენტრი ორი ბალისტიკური რაკეტით დაბომბა. საგანგებო სიტუაციების მართვის სამსახურების ადგილზე გამოჩენის შემდეგ, რუსეთმა კიდევ ერთი თავდასხმა განახორციელა, რომლითაც განგებ ამოიღო მიზანში მაშველები. ეს არის ბოროტი და არაადამიანური დაშინების ტაქტიკა, რომელსაც რუსები ხშირად იყენებენ. 

ტრაგიკულია, რომ ამ დროისთვის 11 ადამიანის დაღუპვაა დადასტურებული. ვუსამძიმრებ მათ ოჯახებსა და საყვარელ ადამიანებს. 30-ზე მეტი ადამიანი დაშავდა, მათ შორის 5 ბავშვი. დაზიანდა 8 ხუთ სართულიანი საცხოვრებელი კორპუსი, ადმინისტრაციული შენობა და სახანძრო მანქანა. 

მადლობას ვუხდი საგანგებო სამსახურებს, პოლიციას, საგანგებო სიტუაციების მართვის სამსახურს და ექიმებს, რომლებიც, მიუხედავად განმეორებითი თავდასხმების საშიშროებისა, უშიშრად ცდილობენ ადამიანების გადარჩენას ამ ტერორისგან. ყველას, ვინც იცავს სხვის სიცოცხლეს საკუთარი სიცოცხლის რისკის ფასად. 

ამგვარი თავდასხმები აჩვენებს, რომ რუსეთის მიზნები არ შეცვლილა. შესაბამისად, მნიშვნელოვანია გავაგრძელოთ ყველაფრის კეთება იმისთვის, რომ ადამიანების სიცოცხლეები გადავარჩინოთ, რომ გავაძლიეროთ ჩვენი საჰაერო თავდაცვა, გავაძლიეროთ სანქციები რუსეთზე. ყველაფერი, რაც რუსეთს ეხმარება, რომ დააფინანსოს ომი, უნდა ჩამოიშალოს",- წერს ვოლოდიმირ ზელენსკი.

შეგახსენებთ, რუსების მიერ დობროპილიაზე მიტანილი იერიშის შედეგად, სულ მცირე, 11 ადამიანი დაიღუპა, 30 კი დაშავდა. 

ავტორი: ექსპრესნიუსი,

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა