ენერგეტიკის მინისტრის კახი კალაძის განცხადებით,  აუცილებლობის შემთხვევაში,  საქართველოში დამატებითი მოცულობის ბუნებრივი აირის „გაზპრომიდან“ შემოტანაში პრობლემას ვერ ხედავს.

 ამის შესახებ კალაძემ პარლამენტში გაერთიანებული კომიტეტების სხდომაზე კითხვის საპასუხოდ განაცხადა.

კალაძის თქმით, ეს მხოლოდ იმ შემთხვევაში მოხდება, თუკი დამატებით მოცულობის ბუნებრივი აირის  საქართველოში შემოტანას  აზერბაიჯანი ვერ შეძლებს.

„მე ამას ვუყურებ სუფთა ეკონომიკურ ჭრილში, ეს არანაირ პრობლემას არ წარმოადგენს. თუ ჩემს ქვეყანას დაჭირდება, ჩემს ქვეყანაში მცხოვრებ ადამიანებს დაჭირდება  დამატებითი მოცულობები და  შესაძლებლობა ვერ გვექნება, რომ ჩვენი მეზობელი ქვეყნებიდან შემოვიტანოთ, მაგალითად, აზერბაიჯანიდან, ჩვენი სტრატეგიული პარტნიორიდან, მე ვერანაირ პრობლემას ვერ ვხედავ იმისას, რომ მოხდეს ბუნებრივი აირით  საქართველოს  უზრუნველყოფა თუნდაც „გაზპრომიდან“ ნაყიდი გაზით“, - განაცხადა კალაძემ.

მისივე თქმით, ცუდი იქნება ის, თუკი აზერბაიჯანული გაზის  მთლიანად რუსული გაზით ჩანაცვლება მოხდება:

„ძალიან ცუდი იქნება, თუ ჩვენ დავიწყებთ იმაზე საუბარს, რომ ჩავანაცვლოთ აზერბაიჯანი და მთლიანად შემოვიყვანოთ „გაზპრმომი“, ეს ნამდვილად ცუდი იქნება“, - განაცხადა კალაძემ და დასძინა, რომ მომავალი წლების განამვლობაში ამ მიმართულებით საქართველოს არანაირი პრობლემა არ ექნება და  ქვეყანა აზერბაიჯანიდან მიღენული ბუნებრივი აირით სრულიად უზრუნველყოფილი იქნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს