კვერცხების სროლა, ნებისმიერი შეურაცხყოფა ჩემთვის მათგან განსხვავებით, მიუღებელია - არსებობს კანონი, რომელიც კიდევ უფრო მკაცრდება და ღალატისთვის ყველა დამნაშავეს მოუწევს პასუხისგება, - ამის შესახებ “ქართული ოცნების” გენერალურმა მდივანმა, კახა კალაძემ განაცხადა, რითაც გამოეხმაურა მედიაში გავრცელებულ კადრებს, სადაც ჩანს, რომ გარკვეული პირები მიუნხენიდან დაბრუნებულ საქართველოს მე-5 პრეზიდენტ სალომე ზურაბიშვილს და პარტია “საქართველოსთვის” ლიდერს, გიორგი გახარიას კვერცხებს ესვრიან.

კალაძის თქმით, მათ კონკრეტული ფაქტები აქვთ “იმასთან დაკავშირებით, როგორ ჩადიოდნენ დანაშაულს და ღალატს ქვეყნის წინააღმდეგ”.

„ზოგადად, კვერცხების სროლა, ნებისმიერი შეურაცხყოფა, ჩემთვის მათგან განსხვავებით, მიუღებელია. იმიტომ, რომ ეს ადამიანები პირდაპირ ახალისებენ ძალადობას. არ მახსოვს არცერთი მათგანისგან, მომესმინოს [განცხადება], თუნდაც ჟურნალისტების მიმართ როდესაც მიდის ძალადობა, შეურაცხყოფა. ადამიანმა, რომელმაც „მოლოტოვის კოქტეილი“ ესროლა პოლიციელებს და ადამიანებს ცოცხლად წვავდა, ეს ქალბატონი იყო ზუსტად, რომელიც იწყალებდა, ასეთ ადამიანს. მთელი პიარ-კამპანია მიმდინარეობდა, როგორმე გმირად შეერაცხათ, წარმოგიდგენიათ რასთან გვქონდა საქმე?

არ მახსოვს მათი მხრიდან არცერთი განცხადება დაეგმოთ ძალადობა, არცერთი განცხადება დაეგმოთ პოლიტიკოსების მიმართ შეურაცხყოფა, დევნა. მაგალითად, მამუკა მდინარაძის წინააღმდეგ, როდესაც ელისაშვილი ლაჩრულად მიეპარა და უკნიდან ჩაარტყა, არ მახსოვს არცერთი განცხადება.

კიდევ ერთხელ ვამბობ, რა თქმა უნდა, არ არის ლამაზი და ჩემთვის მიუღებელია ასეთი ქმედებები. არსებობს კანონი, რომელიც კიდევ უფრო მკაცრდება და ღალატისთვის ყველა დამნაშავეს მოუწევს პასუხისგება. ჩვენ კონკრეტული ფაქტები გვაქვს იმასთან დაკავშირებით, როგორ ჩადიოდნენ დანაშაულს და ღალატს ქვეყნის წინააღმდეგ”, - განაცხადა კალაძემ.

ცნობისთვის, პარტია „გახარია საქართველოსთვის“ ლიდერის, გიორგი გახარიას შემდეგ, თბილისის საერთაშორისო აეროპორტში კვერცხები, მიუნხენიდან დაბრუნებულ საქართველოს მე-5 პრეზიდენტ სალომე ზურაბიშვილსაც ესროლეს.

ავტორი: ექსპრესნიუსი,

სოციალური ქსელები

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე

„სოლიდუსი“ ოკუპირებული აფხაზეთის მომარაგებისთვის ბენზინს ეძებს