საუდის არაბეთში სამუშაო ვიზიტით უკრაინის მთავრობის დელეგაცია ჩავიდა. ამის შესახებ უკრაინის ეკონომიკის მინისტრმა იულია სვირიდენკომ განაცხადა.

მისი თქმით, უკრაინის წარმომადგენლები უკვე შეხვდნენ ადგილობრივ მეწარმეებს და აჩვენეს პროექტები ენერგეტიკის, სოფლის მეურნეობის და ინფრასტრუქტურის სფეროებში. სვირიდენკომ აღნიშნა, რომ უახლოეს დღეებში ათობით შეხვედრა გაიმართება საუდის არაბეთში პრეზიდენტის ვოლოდიმირ ზელენსკის ვიზიტის მოსამზადებლად.

„ჩვენ ვემზადებით მნიშვნელოვანი ეკონომიკური შეთანხმებების გასაფორმებლად რეგიონის ქვეყნებთან“, - წერს სვირიდენკო Facebook-ზე.

დასავლური მედია იუწყება, რომ აშშ-ისა და რუსეთის წარმომადგენლები მომავალ კვირას საუდის არაბეთში ჩავლენ, რათა განიხილონ დონალდ ტრამპისა და ვლადიმერ პუტინის მოახლოებული შეხვედრა. მოსალოდნელია, რომ მოსამზადებელ მოლაპარაკებებს უკრაინის წარმომადგენლებიც შეუერთდებიან. გეგმის მიხედვით, ტრამპისა და პუტინის შეხვედრა თებერვლის ბოლომდე უნდა შედგეს.

უკრაინის პრეზიდენტის აპარატის ხელმძღვანელმა ანდრიი იერმაკმა განაცხადა, რომ უკრაინულ მხარესა და რუსეთის წარმომადგენლებს შორის არანაირი კონტაქტები არ ყოფილა და არ იგეგმება ომის დასრულების გეგმის ფორმირებამდე.

უკრაინის მთავრობის წყარომ BBC-ს განუცხადა, რომ კიევის დელეგაცია არ იყო მიწვეული და არ აგზავნის წარმომადგენლებს საუდის არაბეთში დაგეგმილ სამშვიდობო მოლაპარაკებებზე.

თავის მხრივ, თეთრი სახლის სპეციალურმა წარმომადგენელმა ახლო აღმოსავლეთში სტივ ვიტკოფმა კვირას განაცხადა, რომ საუდის არაბეთში გაემგზავრა ეროვნული უსაფრთხოების მრჩეველთან მაიკ უოლზთან ერთად მოლაპარაკებებისთვის რუსეთის ომის დასრულებაზე უკრაინასთან.

ვიტკოვის თქმით, უკრაინა არ იყო გამორიცხული რუსულ მხარესთან მოლაპარაკებებიდან. თეთრი სახლის სპეციალურმა წარმომადგენელმა ასევე გაიხსენა, რომ უკრაინის ოფიციალური პირები ამერიკულ დელეგაციას მიუნხენში უსაფრთხოების კონფერენციაზე შეხვდნენ.

მოახლოებული მოლაპარაკებები იქნება პირველი მაღალი დონის პირისპირ დისკუსიები რუს და ამერიკელ ჩინოვნიკებს შორის ბოლო წლების განმავლობაში და სავარაუდოდ წინ უსწრებს სამიტს აშშ-სა და რუსეთის პრეზიდენტებს შორის.

12 თებერვალს აშშ-ს პრეზიდენტმა დონალდ ტრამპმა სატელეფონო მოლაპარაკება გამართა რუსეთისა და უკრაინის პრეზიდენტებთან, ვლადიმერ პუტინთან და ვლადიმერ ზელენსკისთან, რის შემდეგაც მან განაცხადა, რომ მიღწეული იყო შეთანხმება რუსეთ-უკრაინის ომის დასასრულებლად მოლაპარაკებების დაწყების შესახებ. ვლადიმერ ზელენსკიმ არაერთხელ ხაზგასმით აღნიშნა, რომ უკრაინაზე ნებისმიერი მოლაპარაკება შეუძლებელია მისი მონაწილეობის გარეშე.

ავტორი: ექსპრესნიუსი,

სოციალური ქსელები

ივანიშვილის წარმომადგენელს წილოსანს მიაჩნია, რომ სასქართველოში საწვავის ფასი არაა ევროპის ფასებზე მეტი

მთავრობამ მიიღო რეპრესიული „უცხოელი აგენტების“ კანონიც კი, რომელიც მედიის დირექტორებს სისხლისსამართლებრივ პასუხისმგებლობას აკისრებს - RSF

სიძულვილის ენა და დეზინფორმაცია ფართოდაა გავრცელებული ქართულ მედიაში - რეპორტიორები საზღვრებს გარეშე

"გოგოების გზა ტექნოლოგიებში" - "თეგეტა ჰოლდინგი" გაეროს ქალთა ორგანიზაციის საერთაშორისო კონფერენციას შეუერთდა