ირაკლი კობახიძემ შვეიცარიულ ყოველკვირეულ ჟურნალ Die Weltwoche-თან ინტერვიუში განაცხადა, რომ საქართველოს ევროკავშირში გაწევრიანება მხოლოდ იმ პირობებში უნდა მოხდეს, რომ ქვეყანამ არ დაკარგოს დამოუკიდებლობა. მან აღნიშნა, რომ ევროინტეგრაციის პროცესში მნიშვნელოვანია შეინარჩუნო ღირსება და ქვეყნის კეთილდღეობა.

„ჩვენ უნდა შევიდეთ ევროკავშირში ჩვენი დამოუკიდებლობით. ეს იყო ჩვენი მთავარი სლოგანი ბოლო საპარლამენტო არჩევნებში. მხოლოდ მშვიდობით, ღირსებით და კეთილდღეობით ევროპისკენ,“ - აღნიშნა პრემიერმა და დასძინა, რომ ევროკავშირში გაწევრიანება ასევე უნდა იყოს ქვეყნის კონსტიტუციური მიზანი, რასაც 2017 წელს საქართველოს კონსტიტუციაში შესაბამისი ცვლილებები შეიტანა.

პრემიერ-მინისტრმა ასევე ისაუბრა საქართველოსა და მოლდოვას შედარებაზე, სადაც აღნიშნა, რომ მიუხედავად იმისა, რომ ორივე ქვეყანა არ აწესებს სანქციებს რუსეთის ფედერაციის წინააღმდეგ, საქართველოს მაინც ბევრად უფრო მეტად აკრიტიკებენ საერთაშორისო მედია და ევროპული ინსტიტუტები, ვიდრე მოლდოვას.

კობახიძის განცხადებით, საქართველო ატარებს პრაგმატულ პოლიტიკას,

„პროგრესი მხოლოდ პრაგმატიზმის წყალობითაა შესაძლებელი. თუ საქართველო არ იმოქმედებდა პრაგმატულად, ვერ  გადარჩებოდა,“ - განაცხადა ირაკლი კობახიძემ.

პრემიერი შეეხო იმ პრობლემებს, რაც დაკავშირებულია ევროპულ მედიაში ყალბ ინფორმაციასა და ცენზურასთან, რომელიც ხშირად ქმნის არასწორ წარმოდგენებს საქართველოსა და მოლდოვის შესახებ.

„ამჟამად საერთაშორისო მედიაში არსებობს კოორდინაცია და ცენზურა, რომელიც მიზნად ისახავს ყალბი ამბების გავრცელებას საქართველოს წინააღმდეგ,“ - აღნიშნა პრემიერმა.

კობახიძემ აღნიშნა, რომ პრაგმატული პოლიტიკა არის საქართველოს გადარჩენის წინაპირობა, რომლის გარეშეც ქვეყანა ვერ ახერხებს წარმატებულ განვითარებას.   

„ეს არის ერთ-ერთი მთავარი გაკვეთილი ჩვენი ისტორიიდან,“ - დასძინა პრემიერ-მინისტრმა.

 

ავტორი: ექსპრესნიუსი,

სოციალური ქსელები

ტრამპმა რუსეთსა და უკრაინას შორის სამდღიანი ცეცხლის შეწყვეტის შესახებ განაცხადა

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო