„ერთიანობა ნაციონალური მოძრაობის“ თავმჯდომარე თინა ბოკუჩავა წინა ხელისუფლების ქმედებების გამოსაძიებლად დაანონსებულ საგამოძიებო კომისიას საცირკო წარმოდგენას უწოდებს და აცხადებს, რომ ამით ბიძინა ივანიშვილი ცდილობს დანაშაულების გადაფარვას.

როგორც ბოკუჩავამ ჟურნალისტებს განუცხადა, „ქართული ოცნება“ აღნიშნული „სანახაობით“ ვერ გადაფარავს მის არალეგიტიმურობას და მას მოუწევს ძალაუფლების დათმობას შეეგუოს.

„მეცამეტე წელია, არჩევნების მიტაცების და 26 ოქტომბერს ჩატარებული სპეცოპერაციის შედეგად, ივანიშვილის რუსული რეჟიმი პოზირებს საქართველოს ხელისუფლებად, და მეცამეტე წელს კვლავ საუბრობს იმ პოლიტიკური ძალის გასამართლებაზე, რომელიც 13 წელია ხელისუფლებაში არ ყოფილა და რომელსაც მე ამაყად წარმოვადგენ. ეს, რა თქმა უნდა, მორიგი რუსული პროპაგანდისტული მცდელობაა, იმისთვის, რომ ივანიშვილმა ამ სანახაობით და მორიგი საცირკო წარმოდგენით, რომლის დადგმასაც ახლა არალეგიტიმურ, დე-ფაქტო პარლამენტში გეგმავს, გადაფაროს საკუთარი დანაშაულები; ის, რომ მას ცივილიზებული სამყარო ლეგიტიმურ ხელისუფლებად არ აღიარებს; ის, რომ სანქციების გამო ეკონომიკა ინგრევა; ის, რომ მას ლეგიტიმაცია აღარ გააჩნია არც ქვეყნის გარეთ, არც შიგნით. ამ საცირკო წარმოდგენით ვერ გადაფარავს მისი არალეგიტიმურობის ფაქტს და მაინც მოუწევს, შეეგუოს ძალაუფლების დათმობას, რადგან ქვეყანაში უნდა ჩატარდეს ახალი, სამართლიანი არჩევნები. უნდა გამოვიდეთ ამ ქაოსიდან და მუდმივად წარსულში კი არ ვუყუროთ და პროპაგანდისტულ ტყუილებში ვიცხოვროთ, არამედ გავიხედოთ წინ, ევროპისკენ, კეთილდღეობისკენ, წარმატებისკენ, და ხელისუფლებამ ხალხის ინტერესებისთვის იმუშაოს, ხოლო არა საცირკო წარმოდგენების დადგმით“, - განაცხადა ბოკუჩავამ.

ავტორი: ექსპრესნიუსი,

სოციალური ქსელები

ლონდონში დააკავეს კაცი, რომელიც 14 წლის დიშვილს აუპატიურებდა და 20 წელი აქვს მისჯილი

ადვოკატის თქმით, დავითაძისადმი სოლიდარობის გამო პატიმარს სცემეს და ბათუმის ციხეში გადაიყვანეს

ირაკლი ჩხვირკიას ადვოკატი აცხადებს, რომ პროკურატურას საპროცესო შეთანხმების გაფორმებასთან დაკავშირებით მიმართავენ

ქადაგიშვილი - კარგია, როდესაც ადამიანები ათვითცნობიერებენ, ინანიებენ ჩადენილ დანაშაულს