საქართველოს მთავრობა 2027 წლამდე მოსახლეობის შემცირებას მოელის

2025-01-24 15:43:42, 1806 ნახვა

საქართველოს მთავრობა 2027 წლამდე მოსახლეობის შემცირებას მოელის - ამის შესახებ ევროკავშირისთვის გაგზავნილი 2025-2027 წლების ეკონომიკური პროგრამის დოკუმენტში არის ნათქვამი.

დოკუმენტში ძირითადი მაკროეკონომიკური პარამეტრების სცენარს თან ახლავს მოსახლეობის მოსალოდნელი დინამიკაც 2025-2027 წლებისთვის, რომელიც 2026-2027 წლებში 0.1%-ით კლებას პროგნოზირებს.

2023-2027 წლების საქართველოს მოსახლეობის დინამიკა "ოცნების" მთავრობის მიერ ევროკავშირისთვის გაგზავნილი დოკუმენტის მიხედვით:

	2023 წელი	2024 წელი	2025 წელი	2026 წელი	2027 წელი
მოსალხოება	3,715,500 ადამიანი	3,694,600 ადამიანი	3,693,600 ადამიანი	3,691,700 ადამიანი	3,688,900 ადამიანი
მოსახლეობის ზრდის ტემპი	0.10%	-0.60%	0.00%	-0.10%	-0.10%

2024 წლის ნოემბერ-დეკემბერში საქართველოს მოსახლეობის ზომის დასადგენად საქსტატმა საყოველთაო აღწერა ჩაატარა, რომლის წინასწარი შედეგებიც 2025 წელს უნდა გახდეს ცნობილი.

საქსტატის აღმასრულებელმა დირექტორმა, გოგიტა თოდრაძემ 2024 წლის 20 დეკემბერს განაცხადა, რომ მოსახლეობის ნაწილი აღწერას კარს არ უღებდა, რის გამოც აღწერის დასრულება 31 დეკემბრამდე გადაიწია.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,