კოალიცია „ძლიერი საქართველოს“ ფრაქცია თბილისის მუნიციპალიტეტის საკრებულოს სხდომას არ დაესწრება. ამის შესახებ კოალიციის წარმომადგენელმა, საბა ბუაძემ განაცხადა.

როგორც ბუაძემ აღნიშნა, „უარის მიზეზია ტოტალური კორუფცია, რომელშიც ჩაძირულია თბილისის მერია“.

„დღეს თბილისის საკრებულოში ჩვენი დედაქალაქის ისტორიაში ყველაზე კორუმპირებული და სამარცხვინო მერი კახა კალაძე წარადგენს ყოველწლიურ ანგარიშს. ჩვენი კოალიცია, „ძლიერი საქართველო“ და საკრებულოში ჩვენი ფრაქცია არ იღებს მონაწილეობას ამ ფარსში. ჩვენ არანაირი კითხვები კახა კალაძესთან არ გაგვაჩნია, არ გაგვაჩნია კითხვები იმ რეჟიმის წარმომადგენლებთან, რომლებიც ადამიანებს ქუჩაში უსწორდებიან და კახა კლაძე არის ამ რეჟიმის ერთ-ერთი გამორჩეულად სამარცხვინო სახე. 

ჩვენ ვნახეთ, რომ თბილისელებმა ივანიშვილს გასცეს პასუხი 26 ოქტომბერს, როდესაც მასშტაბური გაყალბების მოუხედავად, უარი უთხრეს „ქართულ ოცნებას“ და მის პოლიტიკას.

ამ უარის მიზეზი, რა თქმა უნდა, არის ის ტოტალური კორუფცია, რომელშიც ჩაძირულია თბილისის მერია და კარგად ჩანს, რომ ეს არის ერთადერთი რამ, რისთვისაც ხელისუფლება სჭირდება კალაძეს და ივანიშვილს, რომ თბილისელების ხარჯზე აკეთონ ფული. 

ამ წლის განმავლობაში იპოდრომი გაასხვისეს, მწვანე შუქი აუნთეს იქ ურბანულ გენოციდს, ასევე მწვანე შუქი აუნთეს „ლაგუნა ვერეს“ ადგილას უმძიმეს დანაშაულებს და უამრავი დანაშაული მთელი ქალაქის მასშტაბით. ეს არის კორუფცია, დანაშაულებრივი გულგრილობა და ხელისუფლების მხოლოდ და მხოლოდ პეროსნალური გამდიდრებისათვის გამოყენება. ეს არის ის, რითაც თბილისელებმა მიიღეს ზიანი ამ წლის განმავლობაში კახა კალაძისგან და თბილისის მერიისგან. შესაბამისად, ის კითხვები, რომლებიც არსებობს აუცილებლად დაისმევა საგამოძიებო ორგანოების მიერ მას შემდეგ, რაც შეიცვლება ხელისუფლება. იმისათვის, რომ შევცვალოთ ხელისუფლება თითოეული ჩვენგანის ვალდებულებაა, რომ გაგრძელდეს ფართო საზოაგდოებრივი წინააღმდეგობა და პროტესტი, ამიტომაც, უკლებლივ ყველანი უნდა შევხვდეთ ისევ რუსთაველზე დღეს, ხვალ და იმდენი ხანი, რამდენიც იქნება საჭირო!“ - განაცხადა საბა ბუაძემ.

აღსანიშნავია, რომ სხდომას არც „კოალიცია ცვლილებისთვის“, „ერთიანობა - ნაციონალური მოძრაობისა“ და „გახარია საქართველოსთვის“ წევრები ესწრებიან.

ავტორი: ექსპრესნიუსი,

სოციალური ქსელები

საქართველოს ბანკის ინდმეწარმეების გათამაშებაში სექტემბრის გამარჯვებულები გამოვლინდნენ

მურთაზ ზოდელავა და ლაშა ბერიძე შესაძლოა 4 ნოემბერს საპროცესო შეთანხმების საფუძველზე გაათავისუფლონ

გერმანიის საგარეო საქმეთა მინისტრმა განაცხადა რუსეთის მხრიდან საქართველოს, მოლდოვასა და ბალტიისპირეთის ქვეყნების მიმართ საფრთხის შესახებ.

ბაზისბანკმა, ქართული ბიზნესის მხარდასაჭერად, BSTDB-ისგან 25 მილიონი ევროს დაფინანსება მიიღო