ეუთო/ოდირმა ყველა სპეკულაციას წერტილი დაუსვა, ეს არჩევნები არალეგიტიმურია- ამის შესახებ „ერთიანობა-ნაციონალური მოძრაობის“ ერთ-ერთმა ლიდერმა, გიორგი ვაშაძემ განაცხადა. 

ვაშაძის თქმით, ახლა უკვე ეუთო/ოდირის საბოლოო დასკვნითაც არის შესაძლებელი იმის თქმა, რომ "საქართველოს თვითმარქვია რეჟიმი ჰყავს".

„ეუთო/ოდირმა ყველა სპეკულაციას დაუსვა წერტილი. ეს არჩევნები არალეგიტიმურია. თავად ამ საკითხის დასმა ძალიან ფართომასშტაბიან დოკუმენტში და ხალხისთვის ამ საკითხის მინდობა, ცალსახად მიუთითებს მათ პოზიციას. რაც შეეხება კობახიძის განცხადებას, მსოფლიო მასშტაბის მატყუარაა ეს კაცი და მისგან ტყუილი აღარავის უკვირს. თქვენ ნახავთ საერთაშორისო საზოგადოების მხრიდან კიდევ უფრო მყარ და მკაფიო მოთხოვნას ახალ არჩევნებთან დაკავშირებით სწორედ ამ დასკვნის საფუძველზე. დღეიდან ეუთო/ოდირის დასკვნითაც შეგვიძლია ვთქვათ, რომ საქართველოს ჰყავს თვითმარქვია რეჟიმი და არჩევნები იყო არალეგიტიმური“,- განაცხადა გიორგი ვაშაძე.

შეგახსენებთ, ეუთოს დემოკრატიული ინსტიტუტებისა და ადამიანის უფლებების ოფისმა (ODIHR) გამოაქვეყნა საბოლოო ანგარიში 26 ოქტომბრის საპარლამენტო არჩევნების შესახებ საქართველოში, რომელიც ადასტურებს მის ადრინდელ დასკვნებსა და შეფასებებს.

ავტორი: ექსპრესნიუსი,

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება