პარლამენტის საშემოდგომო სესია დაიხურა

2024-12-20 17:14:46, 448 ნახვა

პოლიტიკა

XI მოწვევის პარლამენტის საშემოდგომო სესია პარლამენტის ბიუროს სხდომაზე დაიხურა.

სესიის დახურვისას საქართველოს სახელმწიფო ჰიმნი შესრულდა.

პარლამენტის ბიურომ, დღევანდელ სხდომაზე, ცესკოს წევრების არჩევასთან დაკავშირებულ საკითხზე გადაწყვეტილება მიიღო. კერძოდ, ცენტრალური საარჩევნო კომისიის წევრების არჩევასთან დაკავშირებული პროცედურის ვადის დინების პარლამენტის სესიებს შორის პერიოდში გაგრძელების თაობაზე.

როგორც, პარლამენტის თავმჯდომარემ, შალვა პაპუაშვილმა განაცხადა, მან დღეს შესაბამისი ბრძანება გამოსცა, რომლითაც ცენტრალურ საარჩევნო კომისიის წევრობის 4 კანდიდატის შესარჩევად კონკურსი გამოცხადდა. კანდიდატებს შეუძლიათ ორი კვირის განმავლობაში საკუთარი განცხადება წარადგინონ.

შალვა პაპუაშვილის ინფორმაციით, თებერვალში, საგაზაფხულო სესიის გახსნის შემდეგ, პარლამენტი ცესკოს პროფესიულ წევრებს აირჩევს.

პარლამენტის საგაზაფხულო სესია, პარლამენტის რეგლამენტის თანახმად, თებერვლის პირველ სამშაბათს გაიხსნება.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,