თბილისში, 17:00 საათზე საპროტესტო მარში გაიმართება. ამის შესახებ განცხადებას ოპოზიციური კოალიციები ავრცელებენ.

განცხადების თანახმად, მსვლელობა, რომელსაც პოლიტიკური პარტიების ლიდერები გაუძღვებიან, „თბილისი ცენტრალის“ მიმდებარე ტერიტორიდან დაიწყება.

„დღეს, 19:00 საათზე რუსთაველის გამზირზე, პარლამენტთან გაიმართება საპროტესტო აქცია. 

აქციამდე, 17:00 საათზე, ოპოზიციური პარტიების მხარდამჭერები და პროტესტის მონაწილეები შეიკრიბებიან „ვაგზლის მოედანზე“, „თბილისი ცენტრალის“ მიმდებარე ტერიტორიაზე, საიდანაც მოეწყობა მსვლელობა - საპროტესტო მარში.

მსვლელობას გაუძღვებიან პოლიტიკური პარტიების ლიდერები“,- აღნიშნულია ერთობლივ განცხადებაში.

შეგახსენებთ, დღეს, 4 ნოემბერს თბილისში, რუსთაველის გამზირზე საქართველოს საპარლამენტო არჩევნების შედეგების გასაპროტესტებლად აქციაა დაგეგმილი. საპროტესტო აქცია პარლამენტის სასახლესთან 19:00 საათზე დაიწყება. შეკრება 3-მა ოპიზიციურმა კოალიციამ - „კოალიცია ცვლილებისთვის“, „ერთიანობა - ნაციონალური მოძრაობა“ და „ძლიერი საქართველო“ - 31 ოქტომბერს, ერთობლივ საგანგებო ბრიფინგზე დააანონსა.

აღსანიშნავია, რომ ოპოზიციური კოალიციები, რომლებმაც 2024 წლის საპარლამენტო არჩევნებზე 5%-იანი ბარიერი გადალახეს, „ქართულ ოცნებას“ არჩევნების შედეგების მოპარვაში ადანაშაულებენ და  საერთაშორისო ადმინისტრაციის მიერ, საპარლამენტო არჩევნების ხელახლა ჩატარებას მოითხოვენ.

ავტორი: ექსპრესნიუსი,

სოციალური ქსელები

შსს - აქციაზე შინაგან საქმეთა სამინისტროს ერთი თანამშრომელი დაშავდა

„პალიტრანიუსის“ ჟურნალისტ მარიამ მაზიაშვილს სპეცდანიშნულების რაზმის წარმომადგენელმა ტელეფონი დაუმტვრია

სახალხო დამცველი - მოვუწოდებთ შსს-ს, დადგენილი საფუძვლის გარეშე არ მოახდინოს მოქალაქეთა შემოწმებები

პრეზიდენტი - ადამიანის ძირითადი უფლებების უხეში დარღვევები - გატაცებები, ცემა, უკანონო ჩხრეკა და დაპატიმრებები - გრძელდება