საქართველოში საპარლამენტო არჩევნები საქართველოს ევროკავშირსა და ჩრდილოატლანტიკურ სტრუქტურებში ინტეგრაციის ტრაექტორიას განსაზღვრავს. ამის შესახებ აღნიშნულია 14-გვერდიან დოკუმენტში, რომელიც ევროპარლამენტის კვლევის სამსახურის წევრმა, ანა კაპრილემ ევროპარლამენტს გაუგზავნა.

როგორც დოკუმენტშია აღნიშნული, საქართველოში საპარლამენტო არჩევნები 2024 წლის 26 ოქტომბერს პირველად, სრულად პროპორციული სისტემით ჩატარდება და კენჭისყრის შედეგები "უაღრესად მნიშვნელოვანი" იქნება.

ამასთან დოკუმენტში ნათქვამია, რომ საქართველოს მმართველმა პარტიამ ევროკავშირის კანდიდატის სტატუსის მიღების შემდეგ რამდენიმე საკანონმდებლო აქტი მიიღო, რომელიც ევროკავშირის ღირებულებებს ეწინააღმდეგება, რაც აფერხებს გაწევრიანების შესახებ მოლაპარაკებების გაგრძელებას.

"საქართველოს საარჩევნო კანონში ბოლო დროს შეტანილი ცვლილებები გააკრიტიკეს როგორც საერთაშორისო, ისე ადგილობრივმა ორგანიზაციებმა. კომისია, სავარაუდოდ, უახლოეს კვირებში მიიღებს 2024 წლის გაფართოების პაკეტს, რომელიც შეაფასებს კანდიდატი ქვეყნების, მათ შორის საქართველოს პროგრესს",- ნათქვამია დოკუმენტში.

ავტორი: ექსპრესნიუსი,

სოციალური ქსელები

ზელენსკიმ რუბიოს განცხადებას ომში ჩიხის შესახებ უპასუხა

რუბიო: რუსეთსა და უკრაინას შორის კონფლიქტის ჩიხი შესაძლოა რეგიონულ ომში გადაიზარდოს

უკრაინამ ომსკში რუსეთის უდიდეს ნავთობგადამამუშავებელ ქარხანას დაარტყა

მოსკოვთან ახლოს დრონით თავდასხმის შედეგად მამაკაცი დაიღუპა - აეროპორტებში რეისების მასშტაბური გაუქმება ხდება