2024-10-17 15:52:19, 221 ნახვა
პოლიტიკა
კალაძე - ყალბი პირადობის მოწმობების დამზადების ბრალდება ძალიან დიდი სიყალბე და ტყუილია
ეს არის ძალიან დიდი სიყალბე და ტყუილი. ჩვენ არაერთხელ გამოვიჭირეთ კონკრეტული არასამათავრობო ორგანიზაციები ტყუილში, როდესაც ამ ტიპის განცხადებებს აკეთებდნენ, თუმცა როდესაც საქმე საქმეზე მივიდა, მათ არანაირი კონკრეტული მტკიცებულება და ფაქტები არ გააჩნდათ,- ამის შესახებ დედაქალაქის მერმა, კახა კალაძემ მედიასთან განაცხადა ოპოზიციის წარმომადგენელთა იმ ბრალდების საპასუხოდ, რომლის მიხედვითაც „ქართული ოცნება“ წინასაარჩევნოდ ყალბ პირადობებს ამზადებს და ე.წ. კარუსელისთვის ემზადება. კალაძის თქმით, „აღნიშნული ბრეალდებების უკან მდგომი რადიკალების მიზანი მშვიდობიანი არჩევნებისთვის ხელის შეშლაა". „ესეც მიმართულია იქითკენ, რომ მცდელობა აქვთ, როგორმე ეს მშვიდობიანი არჩევნები გააფუჭონ, დააზიანონ. იმიტომ არიან რადიკალები და ქვეყნის მტრები, რომ ამ ადამიანებს არ მოსწონთ და არც სურთ ეს მშვიდი ვითარება, არ მოსწონთ ქვეყანაში მშვიდობა. წარმოიდგინეთ, როცა ბანერებზე პირდაპირ არის გამოკრული - „არა ომს“ და ვებრძვით, ვეწინააღმდეგებით იმას, რომ ქვეყანაში არ იყოს მეორე ფრონტი, არ იყოს ომი, მათ ესეც აწუხებთ და ესეც მძიმეა მათთვის და ხედავთ, რას აკეთებენ. გადახაზეს და გადაღებეს აღნიშნული ბანერები, სადაც ეწერა - „არა ომს“. წარმოგიდგენიათ ამ ადამიანების განწყობა, რა მდგომარეობაში იმყოფებიან ისინი. შესაბამისად, ყველა უნდა მივიდეთ 26 ოქტომბერს არჩევნებზე და გავაკეთოთ სწორი არჩევანი, რომელიც სჭირდება ამ ქვეყანას და მის მომავალს. ქვეყანაში მნიშვნელოვანია მშვიდობა და მშვიდობის შენარჩუნება. მშვიდობას არ აქვს ალტერნატივა. ჩვენ ქვეყანაში მშვიდობა რომ არ გვქონოდა, დღეს აქ არ ვიქნებოდით და ამ მნიშვნელოვანი პროექტის სანახავად ვერ მოვიდოდით. შესაბამისად, ყველაზე მნიშვნელოვანი არის მშვიდობის შენარჩუნება“,- განაცხადა კალაძემ. ავტორი: NS (სტატია დაფინანსებულია), გალანტი „ჰამასის“ მებრძოლებს მძევლების გათავისუფლებისა და დანებებისკენ მოუწოდებს
უმეროვი - ნორვეგია უკრაინას დაპირებულ F-16-ის ტიპის 6 ავიაგამანადგურებელს უახლოეს მომავალში გადასცემს
ზურაბიშვილი - ტოლერანტობა, რომელიც ქართველებს და ქისტებს გვახასიათებს, არ შეიძლება დაიკარგოს
ორბანი - ზელენსკის მიერ წარდგენილი „გამარჯვების გეგმა“ შიშს იწვევს
|
ომი უკრაინაშიუმეროვი - ნორვეგია უკრაინას დაპირებულ F-16-ის ტიპის 6 ავიაგამანადგურებელს უახლოეს მომავალში გადასცემს
ორბანი - ზელენსკის მიერ წარდგენილი „გამარჯვების გეგმა“ შიშს იწვევს
არჩევნები 2024
პრეზიდენტის ადმინისტრაციის უფროსი - მოვუწოდებთ ცესკოს, დაუყოვნებლივ მიიღოს გადაწყვეტილება სტრასბურგში საარჩევნო უბნის გახსნაზე
საზღვარგარეთ მყოფი ამომრჩევლებისთვის დამატებით 7 საარჩევნო უბანი შეიქმნა
ვიდეო/LIVE საქართველოს დამოუკიდებლობის დღე - პირდაპირი
|