ენას კბილი დააჭიროს,- ასე ეხმაურება კოალიცია "ძლიერი საქართველოს" ერთ-ერთი ლიდერი ალეკო ელისაშვილი გერმანიის საგარეო საქმეთა მინისტრის მოადგილესთან დაკავშირებით თბილისის მერის, კახა კალაძის განცხადებას.

როგორც ელისაშვილმა მედიის წარმომადგენლებთან საუბრისას აღნიშნა, კალაძემ დედაქალაქში არსებული პრობლემები უნდა მოაგვაროს.

"თბილისის მერი ხელფასს იღებს იმისთვის, რომ თბილისის პრობლემები მოაგვაროს. საგარეო საქმეთა მინისტრად კი არ აგვირჩევია და მით უმეტეს, იმისთვის კი არ აგვირჩევია, რომ წაიგდოს ენა და იტლიკინოს აქეთ-იქით. ვინ ეკითხება მაგას ან გერმანიის პოლიტიკას, ან ევროკავშირის პოლიტიკას?! წადი რა, მილებს მიხედე და იმას მიხედე, რომ სანიაღვრე არ არის არსად და კანალიზაცია და სანიაღვრე ერთმანეთზეა დაერთებული. ჰოდა, ენას კბილი დააჭიროს",- ამბობს ალეკო ელისაშვილი.

შეგახსენებთ, გუშინ, 14 ოქტომბერს თბილისის მერმა, კახა კალაძემ ევროპისა და კლიმატის საკითხებში გერმანიის საგარეო საქმეთა მინისტრის მოადგილე ანა ლიურმანს "კუბილიუსი კაბაში" უწოდა მას შემდეგ, რაც გერმანელმა მაღალი თანამდებობის პირმა განაცხადა, რომ გერმანია მხარს უჭერს საქართველოს ევროკავშირში გაწევრიანების გზაზე, თუმცა "ეს არ ეხება საქართველოს ამჟამინდელ მთავრობას, რომელიც ევროკავშირისკენ ამ გზას დაბრკოლებებს უქმნის".

აღნიშნულის შემდეგ, საქართველოში გერმანიის ელჩი პეტერ ფიშერი, სავარაუდოდ, დედაქალაქის მერის განცხადებას გამოეხმაურა და სოციალურ ქსელში დაწერა, რომ "დღეს ვიღაცამ ავტოგოლი გაიტანა".

ავტორი: ექსპრესნიუსი,

სოციალური ქსელები

ზელენსკიმ რუბიოს განცხადებას ომში ჩიხის შესახებ უპასუხა

რუბიო: რუსეთსა და უკრაინას შორის კონფლიქტის ჩიხი შესაძლოა რეგიონულ ომში გადაიზარდოს

უკრაინამ ომსკში რუსეთის უდიდეს ნავთობგადამამუშავებელ ქარხანას დაარტყა

მოსკოვთან ახლოს დრონით თავდასხმის შედეგად მამაკაცი დაიღუპა - აეროპორტებში რეისების მასშტაბური გაუქმება ხდება