სალომე ზურაბიშვილმა რაც გამოაქვეყნა, ეს არის სტანდარტული ანკეტა, რომელიც ივსება ნებისმიერ ქვეყანაში, ასეთი ფორმით სკოლის მოსწავლეების მიერ,- ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს პერსონალური მონაცემების შესახებ ორგანიზაცია „ჩემი ხმის" და პრეზიდენტ სალომე ზურაბიშვილის განცხადებების კომენტირებისას განუცხადა.

პრემიერის თქმით, ეს ორგანიზაცია დაკავშირებულია „კოლექტიურ „ნაცმოძრაობასთან" და „მათ ასეთ განცხადებებს არავითარი ფასი არ აქვს".

„ეს ორგანიზაცია პირდაპირ არის დაკავშირებული კოლექტიურ „ნაცმოძრაობასთან", შესაბამისად, მათ ასეთ განცხადებებს არავითარი ფასი არ აქვს. მით უმეტეს, როდესაც ისინი ყოველგვარი ფაქტების და მტკიცებულებების გარეშე საუბრობენ. სალომე ზურაბიშვილმა რაც გამოაქვეყნა, ეს არის სტანდარტული ანკეტა, რომელიც ივსება ნებისმიერ ქვეყანაში, ასეთი ფორმით სკოლის მოსწავლეების მიერ. წარმოდგენა რომ არ გაქვს არც პერსონალურ მონაცემებზე და არც იმაზე, თუ როგორ უნდა შეივსოს მოსწავლის ანკეტა, ეს სერიოზული პრობლემაა, თუმცა კომპეტენცია ამ ხალხს არ მოეთხოვება",- განაცხადა პრემიერმა.

ცნობისთვის, დღეს, 14 ოქტომბერს საქართველოს პრეზიდენტმა, სალომე ზურაბიშვილმა სოციალურ ქსელში გაავრცელა ინფორმაცია, რომლის მიხედვითაც, სკოლებში ბავშვებს მშობლების პირად ნომერს სთხოვენ.

ავტორი: ექსპრესნიუსი,

სოციალური ქსელები

ზელენსკიმ რუბიოს განცხადებას ომში ჩიხის შესახებ უპასუხა

რუბიო: რუსეთსა და უკრაინას შორის კონფლიქტის ჩიხი შესაძლოა რეგიონულ ომში გადაიზარდოს

უკრაინამ ომსკში რუსეთის უდიდეს ნავთობგადამამუშავებელ ქარხანას დაარტყა

მოსკოვთან ახლოს დრონით თავდასხმის შედეგად მამაკაცი დაიღუპა - აეროპორტებში რეისების მასშტაბური გაუქმება ხდება