2024-10-01 17:33:06, 310 ნახვა
პოლიტიკა
გიგაური კობახიძის განცხადებაზე - ეს არის ქართული სამოქალაქო სექტორის გამარჯვება, მაგრამ უნდა ვნახოთ, ანტიკორუფციული ბიურო რას გააკეთებს
საქართველოს პრემიერ-მინისტრის, ირაკლი კობახიძის მოწოდებას, რომლის მიხედვითაც, ანტიკორუფციულმა ბიურომ "საერთაშორისო გამჭვირვალობა საქართველოს" საკითხზე საკუთარ გადაწყვეტილებას უნდა გადახედოს, ორგანიზაციის აღმასრულებელი დირექტორი ეკა გიგაური "მთავარი არხის" ეთერში საუბრისას გამოეხმაურა. როგორც გიგაურმა აღნიშნა, კობახიძის მიერ გაკეთებული განცხადება არის ქართული სამოქალაქო სექტორის გამარჯვება. "ჯერჯერობით არ ვიცით, რას მოიმოქმედებს ანტიკორუფციული ბიურო. ჯერჯერობით ჩვენ ვიცით ის, რომ მთავრობამ სთხოვა მათ აბსოლუტურად არალეგიტიმური გადაწყვეტილება გააუქმოს. მთავარი, ალბათ, ის არის, რომ ეს არის ნამდვილად ქართული სამოქალაქო სექტორის გამარჯვება. ძალიან დიდი მადლობა ყველა ჩემს კოლეგას, მედიას იმისთვის, რომ საზოგადოებას ჩვენთან დაკავშირებულ ამ გადაწყვეტილებაზე ინფორმაცია მიაწოდეს და მე ვიტყოდი, რომ ეს არის კიდევ ერთხელ ქართული სამოქალაქო სექტორის გამარჯვება, მაგრამ ამავდროულად ჩვენ უნდა ვნახოთ, რას გააკეთებს ანტიკორუფციული ბიურო",- განაცხადა გიგაურმა. ცნობისთვის, 24 სექტემბერს ანტიკორუფციული ბიუროს უფროსმა, რაჟდენ კუპრაშვილმა განაცხადა, რომ ანტიკორუფციულმა ბიურომ "საერთაშორისო გამჭვირვალობა - საქართველო" (TI) და "აირჩიე ევროპა" "გაცხადებული საარჩევნო მიზნის მქონე სუბიექტებად" ცნო და მათზე "მოქალაქეთა პოლიტიკური გაერთიანებების შესახებ" კანონი უნდა გავრცელდეს. 30 სექტემბერს "საერთაშორისო გამჭვირვალობა - საქართველოში" განაცხადეს, რომ არჩევნებს ვეღარ დააკვირდებიან და "ხმების დაცვისთვის ინდივიდუალურ ბრძოლას გააგრძელებენ". დღეს, პირველ ოქტომბერს საქართველოს პრემიერ-მინისტრმა, ირაკლი კობახიძემ განაცხადა, რომ "სახელმწიფო ინტერესებისათვის და პირველ რიგში, საარჩევნო პროცესში გარე მანიპულაციის თავიდან ასარიდებლად, რისი პირველი ნიშნებიც უკვე გამოიკვეთა, მიზანშეწონილად მიმაჩნია, „საერთაშორისო გამჭვირვალობა - საქართველოს“ განცხადებული საარჩევნო მიზნის მქონე ორგანიზაციის სტატუსი მოეხსნას". ავტორი: ექსპრესნიუსი, კობახიძე - ევროპარლამენტის რეზოლუციიდან მკაფიოდ იკითხება უსამართლობა - დოკუმენტს ისეთივე ჩალის ფასი აქვს, როგორც წინა სამ რეზოლუციას
პრემიერი - ფაქტი, რომ არჩევნებამდე აღარ ქვეყნდება ევროკომისიის დასკვნა, მიანიშნებს, რომ გლობალურ ომის პარტიას არჩევნების მოგების იმედი აღარ აქვს
მილერი - აშშ ისრაელის უფლებას, თავს დაესხას ტერორისტულ სამიზნეებს, მხარს ყოველთვის დაუჭერს
კახა კალაძემ ისნის რაიონში ახალი რეკრეაციული სივრცე გახსნა
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 664 120-მდე რუსი ჯარისკაცი მოკლეს
უკრაინის საჰაერო ძალები - რუსეთის მიერ გაშვებული 22 „შაჰიდიდან“ 21 ჩამოვაგდეთ
არჩევნები 2024
ომბუდსმენი მოუწოდებს ცესკოს, ოკუპირებულ ტერიტორიებზე რეგისტრირებულ მოქალაქეებს არჩევნებში მონაწილეობის შესაძლებლობა მიეცეთ
კალაძე - წინასაარჩევნო პროცესი მშვიდ ვითარებაში მიმდინარეობს
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა საქართველოს შესახებ რეზოლუცია მიიღო
მთავარი თემა
|