რუსეთის საგამოძიებო კომიტეტმა ქართველი მებრძოლის, ლადო გამსახურდიას წინააღმდეგ სისხლის სამართლის საქმე აღძრა. ამის შესახებ ინფორმაციას რუსული სამთავრობო-პროპაგანდისტული მედია "რია ნოვოსტი" საგამოძიებო კომიტეტზე დაყრდნობით ავრცელებს.

როგორც მედია წერს, გამსახურდიას წინააღმდეგ საქმის აღძვრა "კურსკის რეგიონის მცხოვრებთა წინააღმდეგ მიმართულ დანაშაულებებში მონაწილეობას" უკავშირდება.

"გამსახურდია ეჭვმიტანილია რამდენიმე მუხლით გათვალისწინებული დანაშაულის ჩადენაში:
მკვლელობა; მკვლელობის მცდელობა; სხვისი ქონების განზრახ დაზიანება; ტერორიზმი;
ცეცხლსასროლი იარაღისა და საბრძოლო მასალის, აგრეთვე ფეთქებადი მოწყობილობების უკანონო შეძენა, შენახვა და ტარება; სამართალდამცავების სიცოცხლის ხელყოფა; ძალადობის გამოყენება ხელისუფლების წარმომადგენელზე; სახელმწიფო საზღვრის უკანონო გადაკვეთა;

გამოძიების ინფორმაციით, გამსახურდია დიდი ხანია, ჩართულია შეიარაღებულ კონფლიქტში, ასევე აგროვებს, ამზადებს და აფინანსებს დაქირავებულ პირებს. უკრაინის სამხედრო ფორმირებების წარმომადგენლებთან ერთად, მათ უკანონოდ გადაკვეთეს საზღვარი და შეიჭრნენ კურსკის რეგიონში.

იქ ყოფნისას დაქირავებულები, გამსახურდიასთან ერთად, სჩადიოდნენ დანაშაულებრივ ქმედებებს, რომლებიც მიზნად ისახავდა მშვიდობიანი მოსახლეობის მოკვლას და მკვლელობის მცდელობას",- ნათქვამია რუსეთის საგამოძიებო კომიტეტის მთავარი სამხედრო საგამოძიებო დეპარტამენტის ინფორმაციაში.

ავტორი: ექსპრესნიუსი,

სოციალური ქსელები

მოსკოვის ყველა აეროპორტმა მუშაობა შეაჩერა, დრონებითა და საჰაერო ბურთებით თავდასხმების გამო

საქართველოს ბანკის და კომაროვის STEM სკოლაში 1 500-ზე მეტი მოსწავლე დარეგისტრირდა - აღმოაჩინე მოსწავლეებისთვის შექმნილი შესაძლებლობები

ტრამპის ადმინისტრაციამ საერთაშორისო სისხლის სამართლის სასამართლოს (ICC) სანქციები დაუწესა

რადიო თავისუფლება- ეროვნულმა ბანკმა ნახევარი მილიარდი ლარით დააჯარიმა კრიპტოკომპანია, რომელსაც ეროვნული ბანკის საბჭოს წევრი ნანა ყეინიშვილი წილს სთხოვდა