ეს დაიმახსოვრეთ, არ აინტერესებს აბსოლუტურად არანაირი თანამდებობა, დაამტკიცა თავისი მოქმედებით ამ კაცმა. თავის სამშობლო აინტერესებს ამ კაცს და სიის პირველი ნომერია ერთი ყველაზე მთავარი მიზეზით - მნიშვნელობა ამ არჩევნების,- ამის შესახებ „ქართული ოცნების“ გენერალურმა მდივანმა, საპარლამენტო უმრავლესობის ლიდერმა მამუკა მდინარაძემ „ქართული ოცნების“ საპატიო თავმჯდომარეზე, ბიძინა ივანიშვილზე საუბრისას განაცხადა.

მდინარაძის თქმით, ოპოზიციური პარტიები „იმდენად განულებული არიან" პოლიტიკურ ასპარეზზე, რომ „ქართულ ოცნებას“ ჩვეულებრივი უმრავლესობით გამარჯვება გარანტირებული აქვს, მაგრამ  ბიძინა ივანიშვილის „ფაქტორი საკონსტიტუციო უმრავლესობის ბედს წყვეტს".

„კიდევ ერთხელ ვიმეორებ, ამ არჩევნების მნიშვნელობა არის მთავარი მიზეზი, რის გამოც ბიძინა ივანიშვილმა და გუნდმა გადაწყვიტა, რომ ის იყოს სიის პირველი ნომერი. ამაშია რეალობაც, ამაშია პრაქტიკულობაც, ამაში არის საარჩევნო მიზნებიც, ამაში არის მნიშვნელობის მინიჭების მიზნებიც, ამაში არის გარკვეული სიმბოლიზმიც, ამაში არის ხაზგასმაც, ყველაფერი ამაშია. ეს გამომდინარეობს მნიშვნელობის მინიჭებიდან, რომ ეს არჩევნები არის იმდენად მნიშვნელოვანი, რომ ჩვენ ყველამ ერთად გადავწყვიტეთ, რომ იყოს სიის პირველი ნომერი, უპირველესად მისი თანხმობით, ეს იყო ჩვენი თხოვნაც მათ შორის, რომ ხაზი გაესვას ამ ყველაფერს, მნიშვნელობას ამ არჩევნებისას და იმის მნიშვნელობას, რომ არა ჩვეულებრივი უმრავლესობით, საერთოდ რომ ქუდი დავიხუროთ, ახლა სახლში დავსხდეთ, საკონსტიტუციო უმრავლესობას ვერ მოვიპოვებთ დღეს, აი, პირდაპირ გეუბნებით, შეიძლება ვერ მოვიპოვოთ, მაგრამ ჩვეულებრივი უმრავლესობის მოპოვება პრობლემა არ არის, მაგრამ ქვეყნის გადარჩენის ინტერესი ემთხვევა საკონსტიტუციო უმრავლესობის მოპოვების ინტერესს, აქ უფრო მეტი და მყარი გარანტიაა. შესაბამისად, ჩვენ ვიღაც პატარა პარტიებს კი არ ვეჭიდავებით პოლიტიკურ ველზე, არამედ რეალურად მათ პატრონებთან გვაქვს საქმე. ისინი არავინ არიან, განულებული არიან პოლიტიკურ ასპარეზზე, უბრალოდ მათ ჰყავთ პატრონები, რომლებიც ყოველდღიურად რაღაც-რაღაცებს გარედან უზრუნველყოფენ და რომელი რაღაც-რაღაცებიც, მათი განცხადებები და მოქმედებები იქცა ხავსად წყალწაღებულებისათვის. მათ შანსი არ აქვთ, მაგრამ ბიძინა ივანიშვილის ფაქტორმა, როგორც ბევრი რამე ამ ქვეყნისთვის პოზიტიურად და დადებითად გადაწყვიტა, ასევე გვინდა გადაწყვიტოს საკონსტიტუციო უმრავლესობის ბედი, რომ ჩვენ მყარი გარანტია ავიღოთ ამ ქვეყანაში მშვიდობის, ღირსების, კეთილდღეობის და მხოლოდ ამ გზით ევროკავშირის წევრობის“, - განაცხადა მდინარაძემ.

ავტორი: ექსპრესნიუსი,

სოციალური ქსელები

მოსკოვის ყველა აეროპორტმა მუშაობა შეაჩერა, დრონებითა და საჰაერო ბურთებით თავდასხმების გამო

საქართველოს ბანკის და კომაროვის STEM სკოლაში 1 500-ზე მეტი მოსწავლე დარეგისტრირდა - აღმოაჩინე მოსწავლეებისთვის შექმნილი შესაძლებლობები

ტრამპის ადმინისტრაციამ საერთაშორისო სისხლის სამართლის სასამართლოს (ICC) სანქციები დაუწესა

რადიო თავისუფლება- ეროვნულმა ბანკმა ნახევარი მილიარდი ლარით დააჯარიმა კრიპტოკომპანია, რომელსაც ეროვნული ბანკის საბჭოს წევრი ნანა ყეინიშვილი წილს სთხოვდა