ჩვენ არავითარ შემთვევაში არ გვაქვს იმის ფუფუნება, შესაძლებლობა, რომ დავუშვათ შეცდომები და ამ შეცდომებმა დააზიანოს ჩვენი ქვეყნის მომავალი, - ამის შესახებ თბილისის მერმა, კახა კალაძემ სამცხე-ჯავახეთში გამართული წინასაარჩევნო შეხვედრის დასრულების შემდეგ განაცხადა. 

მისი თქმით, "მშვიდობას არ აქვს ალტერნატივა".

„წინასაარჩევნო კამპანიის ფარგლებში დღეს სამცხე-ჯავახეთში, ახალციხეში ვიმყოფებოდით. ნახეთ, თუ რამდენი ადამიანი იყო მოსული ღონისძიებაზე. ძალიან კარგი განწყობაა. ჩვენი ქვეყნის მოსახლეობას აქვს სურვილი, რომ ქვეყანაში შენარჩუნებული იყოს მშვიდობა, სიმშვიდე, მოხდეს ეკონომიკური განვითარება. მშვიდობას არ აქვს ალტერნატივა. ჩვენ არავითარ შემთხვევაში არ გვაქვს იმის ფუფუნება, შესაძლებლობა, რომ დავუშვათ შეცდომები და ამ შეცდომებმა დააზიანოს ჩვენი ქვეყნის მომავალი. თუ გადავხედავთ ჩვენს უახლეს ისტორიას, გამოვლილი გვაქვს ისეთი დღეები, როდესაც დავუშვით შეცდომები, რომელთაც დღესაც ვიმკით და  ჯერაც არ მოგვიშუშებია ის ჭრილობები, რომელიც მივიღეთ. შესაბამისად, გვჭირდება მშვიდობა და ერთადერთი პოლიტიკური ძალა, გუნდი, რომელსაც შეუძლია ქვეყანაში მშვიდობა შეინარჩუნოს, განავითაროს მისი ეკონომიკა, არის „ქართული ოცნება“. ძლიერი ეკონომიკით და ქვეყნით შევძლებთ იმ  დიდ ოჯახში შესვლას, რასაც ევროპა ჰქვია“, - განაცხადა კახა კალაძემ.

ავტორი: NS (სტატია დაფინანსებულია),

სოციალური ქსელები

მოსკოვის ყველა აეროპორტმა მუშაობა შეაჩერა, დრონებითა და საჰაერო ბურთებით თავდასხმების გამო

საქართველოს ბანკის და კომაროვის STEM სკოლაში 1 500-ზე მეტი მოსწავლე დარეგისტრირდა - აღმოაჩინე მოსწავლეებისთვის შექმნილი შესაძლებლობები

ტრამპის ადმინისტრაციამ საერთაშორისო სისხლის სამართლის სასამართლოს (ICC) სანქციები დაუწესა

რადიო თავისუფლება- ეროვნულმა ბანკმა ნახევარი მილიარდი ლარით დააჯარიმა კრიპტოკომპანია, რომელსაც ეროვნული ბანკის საბჭოს წევრი ნანა ყეინიშვილი წილს სთხოვდა