საქართველოს ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა „ომეგა ჯგუფის“ საწარმოები დაათვალიერა და მათი განვითარების სამომავლო გეგმებს გაეცნო. ვიცე-პრემიერს მეგზურობა „ომეგა ჯგუფის“ დამფუძნებელმა ზაზა ოქუაშვილმა გაუწია.

ეკონომიკისა და მდგრადი განვითარების სამინისტროს ინფორმაციით, ვიცე-პრემიერმა თავდაპირველად „ომეგა ჯგუფში“ შემავალი კომპანია „ოჯთ“-ს წარმოება დაათვალიერა. აღნიშნული კომპანია 2000 წლიდან საქმიანობს და 100-ზე მეტი დასახელების თამბაქოს ნაწარმს უშვებს. სამომავლოდ, კომპანია წარმოების გაფართოებას და პირველადი თამბაქოს გადამუშავების საწარმოო ციკლის დამატებასგეგმავს, რაც საწარმოში დასაქმებულთა რაოდენობას გაზრდის. საწარმოს პროდუქცია ექსპორტზე გავა.

უწყების ცნობით, გარდა ამისა, დიმიტრი ქუმსიშვილი გაეცნო მაღალტექნოლოგიური პოლიგრაფიული საწარმოს „ომეგა თეგის“ საქმიანობასაც, სადაც ასევე გათვალისწინებულია დამატებითი ციფრული ლაბორატორიული დანადგარების შეძენა.

საქართველოს ვიცე-პრემიერის დიმიტრი ქუმსიშვილის განცხადებით, „ომეგას“ გადაწყვეტილება, საწარმოში დანერგოს თამბაქოს პირველადი გადამუშავების ტექნოლოგიური ხაზი, მნიშვნელოვანი სტიმულია იმ ფერმერებისთვის, რომლებიც თამბაქოს წარმოების განვითარებას გეგმავენ.

სულ „ომეგა ჯგუფში“ დასაქმებულია 2000-მდე ადამიანი, ხოლო საქართველოს სახელმწიფო ბიუჯეტში შენატანი კი შეადგენს 1,5 მილიარდამდე ლარს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს