პაატა ბურჭულაძის 60 წლის იუბილესთან დაკავშირებით, სპორტის სასახლეში გუშინ კონცერტი გაიმართა. ორგანიზატორი სახელოვნებო ინდუსტრია „არტპალასი“ იყო. 

კონცერტმა მონაწილეების დამსახურებით კარგად ჩაიარა. თუმცა საზოგადოების უკმაყოფილება მისმა არაორგანიზებულობამ გამოიწვია. 

სპორტის სასახლესთან კონცერტზე დასწრების მსურველები  17:30 საათიდან მივიდნენ, თუმცა მათ ხანგრძლივი დროის განმავლობაში წვიმაში მოუწიათ დგომა. 

ამასთან, დარბაზში შესასვლელად რამდენიმე კარის ნაცვლად, მხოლოდ ერთი გაიღო. 

 „არ შეიძლება ასეთი ზედახორა იყოს. გული მწყდება ძალიან, ვხედავ საუკეთესო ხალხს, ნაღებ საზოგადოებას. 3 000 კაცი წვიმაში დააყენო, არ არის ეს სწორი, მეტი ორგანიზებულობა იყო საჭირო. თუმცა პაატა ბურჭულაძის პატივისცემის გამო, ამას ავიტანთ“, – ამბობს რუსუდან ტყემალაძე. 

კონცერტი პროტესტის ნიშნად შშმ პირებმა დატოვეს, რადგან მათთვის პანდუსები არ იყო მოწყობილი. 
არაორგანიზებულობის გამო, საიუბილეო  კონცერტი დაახლოებით,40 წუთის დაგვიანებით დაიწყო.

სცენაზე, „არტპალასის“ პრეზიდენტმა  გია ანდღულაძემ მაყურებელს შენობაში შესვლის შეფერხების გამო, ბოდიში მოუხადა, თუმცა ამას მათი მხრიდან უკმაყოფილო შეძახილები მოჰყვა.  ანდღულაძე იძულებული გახდა, ბოდიში კიდევ რამოდენიმეჯერ მოეხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა

საქართველოს ბანკის მხარდაჭერით, 500 Global in Eurasia-ს აქსელერაციის პროგრამის XI ნაკადის გადამზადება დაიწყო

საქართველოს ბანკმა აზიის განვითარების ბანკისგან საერთაშორისო ჯილდო მოიპოვა

პროტესტის შემდეგ, ოცნებამ ჩასაბარებელი ყურძნის ფასი გააძვირა