კიდევ აქვს ვინმეს კითხვები, სად მიჰყავს ბიძინას საქართველო? - ასე ეხმაურება პარტია "ლელო საქართველოსთვის" ლიდერი მამუკა ხაზარაძე საქართველოსთან დაკავშირებით ამერიკის შეერთებული შტატების, ევროკავშირისა და გერმანიის გადაწყვეტილებებს.

როგორც ხაზარაძე სოციალურ ქსელში წერს, 26 ოქტომბერს ქართველმა ხალხმა "რუსულ პოლიტიკაზე" უნდა გაიმარჯვოს.

"ამერიკელებთან ერთად სამხედრო წვრთნების გაუქმება; ევროკავშირის ფინანსური დახმარების შეჩერება ჩვენი ჯარისთვის; ევროკავშირის ელჩის განცხადება საქართველოს ევროკავშირში გაწევრიანების შეჩერებასთან დაკავშირებით; გერმანიის გადაწყვეტილება, აღარ დააფინანსოს პროექტები საქართველოში - ეს ბოლო სამი დღის ამბებია... კიდევ აქვს ვინმეს კითხვები, სად მიჰყავს ბიძინას საქართველო?

26 ოქტომბერს ქართველმა ხალხმა უნდა გაიმარჯვოს რუსულ პოლიტიკაზე საქართველოში. ევროპული არჩევანი ეროვნული არჩევანია, ჩვენი ადგილი ევროპაშია. ქართველი ხალხის გამარჯვება ახლოსაა!" - წერს ხაზარაძე "ფეისბუქის" გვერდზე.

შეგახსენებთ, ამერიკის შეერთებულმა შტატებმა მრავალეროვნული სამხედრო წვრთნა - "ღირსეული პარტნიორი" განუსაზღვრელი ვადით გადადო. პენტაგონმა 5 ივლისს გავრცელებულ განცხადებაში განმარტა, რომ აღნიშნული განპირობებულია "საქართველოს მთავრობის ცრუ ბრალდებებით შეერთებული შტატებისა და სხვა დასავლური სუბიექტების მიმართ, რომ თითქოს აშშ-ს საქართველოში გადატრიალება ან მეორე ფრონტის გახსნა სურს".

გუშინ, 9 ივლისს ევროკავშირის ელჩმა საქართველოში, პაველ ჰერჩინსკიმ განაცხადა, რომ საქართველოს ევროკავშირში გაწევრიანების პროცესი შეჩერებულია. მისივე თქმით, EU-ის ლიდერებმა გადაწყვიტეს, გაყინონ 30 მილიონი ევრო, რომლის გადარიცხვაც თავდაცვის სამინისტროსთვის იგეგმებოდა.

დღეს, 10 ივლისს საქართველოში გერმანიის ელჩმა, პეტერ ფიშერმა განაცხადა, რომ "გერმანიის მხრიდან საქართველოს წინაშე ახალი ფინანსური ვალდებულებები აღარ იქნება".

ავტორი: ექსპრესნიუსი,

სოციალური ქსელები

ოცნება სამშენებლო კომპანიებს საეტაპო ოქმის წარუდგენლობისთვის ფინანსური პასუხისმგებლობისგან ათავისუფლებს

რეჟიმის წარმომადგენელი კვარაცხელია - შეკრების მონაწილეები თუ შეთავაზებულ ადგილზე ან სვლა/გეზზე მანიფესტაციის ჩატარებას არ დათანხმდებიან, ჯერ ადმინისტრაციული, შემდეგ კი სისხლის სამართლებრივი პასუხისმგებლობა დაეკისრებათ

აბიტურიენტები 1-ზე მეტ ფაკულტეტს და უნივერსიტეტს ვეღარ აირჩევენ

სააკაშვილი - როგორ მოხდა, რომ ძირითადად ჯენზის მოწამვლის გასაპროტესტებლად ჯენზი თითქმის არ მივიდა