საქართველოს პრემიერ-მინისტრის გიორგი კვირიკაშვილის განცხადებით, ლარის კურსის მოსალოდნელ გამყარებასთან დაკავშირებით ფინანსთა მინისტრის განცხადება რამდენიმე ფაქტორს ეყრდნობოდა.

კვირიკაშვილის თქმით, ერთ-ერთი მნიშვნელოვანი ფაქტორი საბიუჯეტო ხარჯების შეკვეცაა.

როგორც პრემიერმა ჟურნალისტებს განუმარტა, 70 დან 400 მილიონ ლარამდე ადმინისტრაციული და ასევე სხვა ხარჯების შეკვეცა მოხდება და ამ კუთხით ლარზე ზეწოლა შემცირდება.

„ფინანსთა მინისტრის განცხადება ეყრდნობოდა რამდენიმე ფაქტორს. ერთი მნიშვნელოვანი ფაქტორია საბიუჯეტო ხარჯების შეკვეცა, რომელიც დაკავშირებული იქნება საგადასახადო რეფორმასთან და იმ რეფორმების პაკეტთან, რომლითაც ჩვენ შევდივართ პარლამენტში. ეს იქნება ერთ-ერთი მნიშვნელოვანი ფაქტორი, ვინაიდან დაახლოებით 70 დან 400 მილიონ ლარამდე მოხდება როგორც ადმინისტრაციულ ისე სხვადასხვა მუხლებში ხარჯების შეკვეცა და ლარის ზეწოლა ამ კუთხით შემცირდება.

დიდ მნიშვნელობა ექნება იმ ნაბიჯებს, რომლებსაც ჩვენ ვდგამთ ვიზიტორების რაოდენობის გაზრდის მიმართულებით და მათ შორის კონკრეტული გაწერილი გეგმა გვაქვს თუ რა ნაბიჯები უნდა გადავდგათ ეს იქნება ირანთან სავიზო მიმოსვლის გაუქება, დამატებითი  რეისები და ა.შ.“, - განაცხადა კვირიკაშვილმა.

ცნობისთვის, ფინანსთა მინისტრი აცხადებს, რომ ლარის კურსი დასტაბილურდება. ნოდარ ხადური ელის, რომ ლარის კურსი საშუალოვადიან პერიოდში სერიოზულად გამყარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს