2024-06-30 11:38:57, 278 ნახვა
პოლიტიკა
ბოკუჩავა: ევროკავშირისკენ ქართველი ხალხის სწრაფვას საქართველოს მთავრობამ საფრთხე შეუქმნა
ნაციონალური მოძრაობის თავმჯდომარემ, თინა ბოკუჩავამ ბუქარესტში, ეუთოს საპარლამენტო ასამბლეის 31-ე ყოველწლიურ სესიაში მიიღო მონაწილეობა და სიტყვით გამოვიდა. ინფორმაციას პარტიის პრესსამსახური ავრცელებს. მათივე ცნობით, პლენარულ სესიაზე დებატები მოლდოვასა და უკრაინაზე, ასევე რეგიონში რუსეთის მავნე გავლენებზე მიმდინარეობდა. თინა ბოკუჩავამ ადამიანის უფლებათა კუთხით საქართველოს ოკუპირებულ რეგიონებში არსებულ მძიმე ვითარებაზე ისაუბრა. ბოკუჩავას თქმით, უკრაინასთან და მოლდოვასთან ერთად საქართველო ე.წ. ასოცირებულ ტრიოში ერთ დროს მოწინავე ქვეყანა იყო ევროინტეგრაციის გზაზე, მაგრამ ევროკავშირისკენ ქართველი ხალხის სწრაფვას საქართველოს მთავრობამ საფრთხე შეუქმნა. "რუსეთის ოკუპაცია საქართველოში გრძელდება. ოკუპირებულ აფხაზეთსა და ცხინვალის რეგიონში ადგილი აქვს ადამიანის უფლებათა უხეშ დარღვევებს. გრძელდება რუსეთის საოკუპაციო ძალების მხრიდან უკანონო გატაცებები, უკანონო დაკავებები და მკვლელობები. ასევე იზღუდება გადაადგილების თავისუფლება, განათლების უფლება და კერძო საკუთრების უფლება. სამწუხაროდ, ევროკავშირისკენ ქართველი ხალხის სწრაფვას საქართველოს მთავრობამ საფრთხე შეუქმნა, მაგრამ ქართველმა ხალხმა ხმამაღლა და მკაფიოდ განაცხადა, რომ ისინი ეკუთვნიან ევროპას. ამიტომ, ჩვენ უნდა შევძლოთ ჩვენი ისტორიული არჩევანის რეალიზება", - აღნიშნა ბოკუჩავამ. ავტორი: ექსპრესნიუსი, ეროვნული სატყეო სააგენტოს თანამშრომლებისთვის, ტყეებში უსაფრთხო მუშაობის შესახებ ფართომასშტაბიანი სასწავლო პროგრამა ხორციელდება
მედია - ვიქტორ ორბანი სამშაბათს კიევში გაემგზავრება
საქართველოს ეროვნული ნაკრები სამშობლოში დაბრუნდა
ბლინკენი - ბაიდენმა აშშ-ის ხელმძღვანელობის მიმართ მსოფლიოს რწმენა აღადგინა
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 545 090-მდე რუსი ჯარისკაცი მოკლეს
რუსეთმა დნიპროზე იერიში მიიტანა - არიან დაშავებულები [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 543 810-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
|