საქართველოში ჩინეთის სახალხო რესპუბლიკის საელჩოს პრესსპიკერი ანაკლიის ღრმაწყლოვანი პორტის პროექტთან დაკავშირებით ამერიკის შეერთებული შტატების ელჩის განცხადებას ეხმაურება.

როგორც პრესსპიკერის განცხადებაშია ნათქვამი, ელჩის კომენტარი აზრსმოკლებული და ფაქტებთან შეუსაბამოა.

"გვინდა აღვნიშნოთ, რომ საქართველოში აშშ-ის საელჩოს ხელმძღვანელის მტკიცებები, რომ China Communications Construction Company-ს წილების უმრავლესობის მფლობელი "ჩინეთის კომუნისტური პარტიაა" და რომ CPC და ჩინეთის სახალხო რესპუბლიკა რუსეთის არმიის ნომერ პირველი დამფინანსებელია, არის აზრსმოკლებული და სერიოზულად შეუსაბამო ფაქტებთან. ჩინური მხარე მკაცრად გმობს მსგავს განცხადებას.

ჩინურმა მხარემ ხაზი უნდა გაუსვას, რომ ზემოაღნიშნული განცხადება ეწინააღმდეგება პრეზიდენტ სი ძინპინისა და პრეზიდენტ ჯო ბაიდენის მიერ დადგენილ სან-ფრანცისკოს ხედვას. ჩინური მხარე ასევე წუხს იმ ფაქტის გამო, რომ ამერიკელმა დიპლომატმა განცხადების გაკეთებისას არ გამოიჩინა პროფესიონალიზმი",- აღნიშნულია განცხადებაში. 

ცნობისთვის, საქართველოში ამერიკის შეერთებული შტატების ელჩმა, რობინ დანიგანმა "ინტერპრესნიუსთან" ინტერვიუში ანაკლიის პორტის პროექტზე საუბრისას აღნიშნა, რომ CCCC კომპანიის უმეტესი ნაწილის მფლობელი, რომელთანაც საქართველოს მთავრობამ კონტრაქტი დადო, "ჩინეთის კომუნისტური პარტიაა", რომელიც "დღეს რუსეთის არმიის ნომერ პირველი ფინანსისტია".

ავტორი: ექსპრესნიუსი,

სოციალური ქსელები

კობახიძე - რაციონალური და პრაგმატული, სწორი, უალტერნატივო გადაწყვეტილება მივიღეთ თავის დროზე, როდესაც არ შევუერთდით სანქციებს რუსეთის მიმართ

კობახიძე - ორმაგი სტანდარტებით გამოირჩევა ევროპული ბიუროკრატია

კობახიძე გამოუვალ მდგომარეობაზე - ზედიზედ მეორედ მიიწვიეს ისეთი შემსრულებელი, რომელიც გამოირჩევა ჩვენი მხარდამჭერების მიმართ შეურაცხმყოფელი განცხადებებით

კობახიძე - ძალადობრივი აქციები, რაც ვიხილეთ 2024 წელს, მანამდე რამდენიმე წლის განმავლობაში, იყო ინსტრუმენტი იმისა, რომ დაებრუნებინათ ხელისუფლებაში სისხლიანი პოლიტიკური ძალა