ელჩმა დანიგანმა დაადასტურა, რომ ივანიშვილის პარტიის წევრები არიან დასანქცირებულები. ეს არის სანქციების პირველი ტალღა, რასაც აუცილებლად მალე მოჰყვება ფინანსური სანქციები,- ამის შესახებ "ერთიანი ნაციონალური მოძრაობის“ თავმჯდომარემ, თინა ბოკუჩავამ განაცხადა.

ბოკუჩავას თქმით, მმართველი პარტიის წევრები "უარყოფენ ამ ინფორმაციას იმისთვის, რომ იმიჯი შეინარჩუნონ".

"ელჩმა დაადასტურა ის, რაზეც ჩვენ დიდი ხნის მანძილზე ვსაუბრობდით, რომ დიახ, დანამდვილებით მოხდა ივანიშვილის პარტიის წევრების დასანქცირება, ეს არის სავიზო შეზღუდვები აშშ-ის მხრიდან, რომელიც ითვალისწინებს არსებული ვიზების გაუქმებას, ხოლო მომავალში ნებისმიერი მათგანისგან, რომელიც სანქციების სიაშია მოხვედრილი, მიმართვის შემთხვევაში ავტომატურ უარს.

ეს არის პირველი ტალღა სანქციების, რომელსაც აუცილებლად მალე მოჰყვება ფინანსური სანქციები. რა თქმა უნდა, ისინი უარყოფენ ამ ინფორმაციას იმისთვის, რომ შეინარჩუნონ იმიჯი საზოგადოების თვალში თითქოს და ამერიკა თვის სიტყვას არ ასრულებს, ან არ მოქმედებს იმ პოლიტიკის გათვალისწინებით, რაც ღიად დააანონსა მათ შორის აშშ-ის სახელმწიფო მდივნის მოადგილემ, ჯიმ ობრაიენმა, რომელიც საქართველოში იყო ვიზიტით რამდენიმე კვირის წინ",- ამბობს ბოკუჩავა.

შეგახსენებთ, ივნისის დასაწყისში, ამერიკის შეერთებულმა შტატებმა სავიზო შეზღუდვების პირველი პაკეტი გამოაცხადა, რომელიც "ქართული ოცნებისა" და პარლამენტის წევრებს, სამართალდამცავებსა და კერძო პირებს მოიცავს.

ავტორი: ექსპრესნიუსი,

სოციალური ქსელები

კობახიძე - რაციონალური და პრაგმატული, სწორი, უალტერნატივო გადაწყვეტილება მივიღეთ თავის დროზე, როდესაც არ შევუერთდით სანქციებს რუსეთის მიმართ

კობახიძე - ორმაგი სტანდარტებით გამოირჩევა ევროპული ბიუროკრატია

კობახიძე გამოუვალ მდგომარეობაზე - ზედიზედ მეორედ მიიწვიეს ისეთი შემსრულებელი, რომელიც გამოირჩევა ჩვენი მხარდამჭერების მიმართ შეურაცხმყოფელი განცხადებებით

კობახიძე - ძალადობრივი აქციები, რაც ვიხილეთ 2024 წელს, მანამდე რამდენიმე წლის განმავლობაში, იყო ინსტრუმენტი იმისა, რომ დაებრუნებინათ ხელისუფლებაში სისხლიანი პოლიტიკური ძალა