დარწმუნებული ვარ, „ოცნებაში“ არის დაპირისპირება, ჩხუბობენ სიებთან დაკავშირებით - საარჩევნო საპარლამენტო სიაში ვის რამდენი კვოტა ექნება, ვინ წინ იქნება, ვინ უკან იქნება, ბევრი საკითხი აქვთ გასარჩევი,- ამის შესახებ "ერთიანი ნაციონალური მოძრაობის" გენერალურმა მდივანმა, პეტრე ცისკარიშვილმა განაცხადა.

ცისკარიშვილის თქმით, აუცილებელია „ქართული ოცნების" ხელისუფლებიდან ჩამოცილება, რადგან ისინი „ქვეყანას დიდ შარში ხვევენ".

„ჩვენ ძალიან კარგად გვახსოვს ივანიშვილის 29 აპრილის გამოსვლა რუსთაველის გამზირზე, სადაც ის უტიფრად ამტკიცებდა, რომ ეს კანონი არის მისაღები, რომ ამ კანონის მიღების შემდეგ ევროკავშირშიც შევალთ. ამ კაცის საგარეო ორიენტირები, პროგნოზები, საქართველოს შიგნით რა რეფორმები არის გასატარებელი იმისთვის, რომ ეკონომიკურად გავძლიერდეთ, ევროპას დაუახლოვდეს, დემოკრატიულის ფასეულობების ერთგულება ვაჩვენოთ ჩვენს მეგობრებს, საერთოდ აღრეული აქვს. მას წარმოდგენა არ აქვს ქვეყნის მმართველობაზე, ამიტომ, ის სასწრაფოდ უნდა ჩამოშორდეს პირველივე არჩევნებზე ძალაუფლებას, რადგან ივანიშვილმა და თავისმა დაჯგუფებამ მთელი საქართველო გახვიეს დიდ შარში.

შიგნით რა დაპირისპირებები აქვთ და მე დარწმუნებული ვარ, ასეთი დაპირისპირებები არსებობს, რა ტიპის საუბრებია, არ ვიცი, არ მაქვს კონკრეტული ინფორმაცია, მაგრამ დარწმუნებული ვარ, ისინი დავობენ, ჩხუბობენ სიებთან დაკავშირებით, საარჩევნო საპარლამენტო სიაში ვის რამდენი კვოტა ექნება, ვინ წინ იქნება, ვინ უკან იქნება ამ სიაში, ბევრი საკითხი აქვთ გასარჩევი, მაგრამ მთავარი არის ის, რომ ესენი ჩამოვაცილოთ ძალაუფლებას, რადგან მთლიანად ქვეყანას ხვევენ დიდ შარში",- თქვა ცისკარიშვილმა.

ავტორი: ექსპრესნიუსი,

სოციალური ქსელები

კობახიძე - რაციონალური და პრაგმატული, სწორი, უალტერნატივო გადაწყვეტილება მივიღეთ თავის დროზე, როდესაც არ შევუერთდით სანქციებს რუსეთის მიმართ

კობახიძე - ორმაგი სტანდარტებით გამოირჩევა ევროპული ბიუროკრატია

კობახიძე გამოუვალ მდგომარეობაზე - ზედიზედ მეორედ მიიწვიეს ისეთი შემსრულებელი, რომელიც გამოირჩევა ჩვენი მხარდამჭერების მიმართ შეურაცხმყოფელი განცხადებებით

კობახიძე - ძალადობრივი აქციები, რაც ვიხილეთ 2024 წელს, მანამდე რამდენიმე წლის განმავლობაში, იყო ინსტრუმენტი იმისა, რომ დაებრუნებინათ ხელისუფლებაში სისხლიანი პოლიტიკური ძალა