11:47 - 22 Jul, 2024
ჩვენ შესახებ რეკლამა/ხელმოწერა
2024-06-16 19:28:40, 265 ნახვა

საზოგადოება
ქარქაშაძე - ქუთაისის საერთაშორისო აეროპორტი უკვე მეორედ უერთდება GEMO FEST-ს და პროექტის ერთ-ერთი მასპინძელია

უკვე მეორედ, ქუთაისის საერთაშორისო აეროპორტი GEMO FEST-ის პარტნიორია და ტურიზმის ეროვნულ ადმინისტრაციასთან ერთად, ქუთაისში, ვერიკო ანჯაფარიძის სახელობის სკვერში, იმერული კერძების დასაგემოვნებლად ვიზიტორებს მასპინძლობს.

დავით აღმაშენებლის სახელობის აეროპორტი ყველაზე გემრიელი ფესტივალის კონცეფციით დაიბრენდა და ქვეყანაში ჩამოსული საერთაშორისო ვიზიტორები თუ ადგილობრივები GEMO FEST-ის შესახებ ინფორმაციას აეროპორტშივე ეცნობიან.

საქართველოს აეროპორტების გაერთიანების დირექტორის, ირაკლი ქარქაშაძის განცხადებით, გასტრონომიული ფესტივალის ერთ-ერთი მიზანი იმერეთში, შიდა და საერთაშორისო მოგზაურების ნაკადების ზრდაა.  

"ქუთაისის საერთაშორისო აეროპორტი,  უკვე მეორედ უერთდება GEMO FEST-ს და ტურიზმის ეროვნულ ადმინისტრაციასთან ერთად, არის პროექტის ერთ-ერთი მასპინძელი. GEMO FEST-ი იმდენად წარმატებული გახდა, რომ მან უკვე ყოველ წელს ტარდება. ჩვენ მზად ვართ, ტურიზმის ეროვნულ ადმინისტრაციასთან ერთად, ვუმასპინძლოთ და შევუერთდეთ ამ პროექტს ყოველწლიურად. მინდა ვუსურვო ქუთაისელებს და არამარტო მათ დააგემოვნონ იმერული კერძები, ისიამოვნონ აქაური გარემოთი, რომელიც არის იმერული სტუმარ-მასპინძლობის ნამდვილი ზეიმი",- განაცხადა ირაკლი ქარქაშაძემ. 

პროექტის  მიზანია, რეგიონებში გასტრონომიული ტურიზმის ხელშეწყობა, ადგილობრივი სამზარეულოს პოპულარიზაცია, მეწარმეების/ოჯახების წახალისება, შიდა და საერთაშორისო ტურიზმის წახალისება.

გასტრონომიული ფესტივალის მონაწილეებს შესაძლებლობა აქვთ, წარადგინონ როგორც ტრადიციული, ასევე იშვიათი და ნაკლებად ცნობილი იმერული კერძები, რომელსაც ფესტივალის სტუმრები უკვე მეორე დღეა აგემოვნებენ. 

ინფორმაციას საქართველოს აეროპორტების გაერთიანება ავრცელებს.




ავტორი: NS (სტატია დაფინანსებულია),


სოციალური ქსელები
მოსამართლეებთან საარჩევნო საკითხებზე სამუშაო შეხვედრა გაიმართა
ბაზისბანკის მხარდაჭერით, ილიას სახელმწიფო უნივერსიტეტის კურსდამთავრებულთა გამოსაშვები საღამო გაიმართა
კობახიძე - ზურაბიშვილმა დაუშვა შეცდომა, აღიარა საკონსტიტუციოს ლეგიტიმაცია, რომელმაც ის კონსტიტუციის დამრღვევად გამოაცხადა
სოფელ საქადაგიანოში, სასაფლაომდე მისასვლელ გზაზე არმირებული ბეტონის საფარის მოწყობის სამუშაო მიმდინარეობს

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics