2024-05-23 17:38:30, 508 ნახვა
სპეციალური ანონსი
24 მაისს, თბილისში, თავისუფლების მოედნიდან შსს-მდე მარში გაიმართება
24 მაისს, 19:00 საათზე თბილისში, თავისუფლების მოედნიდან შინაგან საქმეთა სამინისტრომდე მარში გაიმართება. როგორც ორგანიზატორების მიერ სოციალურ ქსელში გამოქვეყნებულ განცხადებაშია აღნიშნული, მარშის მიზანი პროტესტში მონაწილე ყველა დაკავებულისა და დაზარალებულის მიმართ სოლიდარობის გამოხატვაა. „რუსული კანონის“ ინიცირებიდან დღემდე, შეთითხნილი ბრალდებით, პროტესტში მონაწილე 2 ასეულ ადამიანზე მეტი დააკავა პოლიციამ; ათეულობით ადამიანს მისდის საჯარიმო ქვითრები არჩადენილი სამართალდარღვევებისთვის; ასეულობით ადამიანს იბარებენ უსაფუძვლოდ დაწყებული გამოძიების ფარგლებში გამოსაკითხად; ათეულობით ადამიანი პოლიციამ სასტიკად ცემა, ზოგიერთი მათგანი დღემდე მკურნალობს. ჩვენ გვინდა სამართლებრივი სახელმწიფო, სადაც: არ გვინდა, ჩვენი თანატოლები და მეგობრები სირცხვილით მალავდნენ, თუ რას საქმიანობენ მათი პოლიციელი მშობლები. მათი შვილებიც ხომ ჩვენთან ერთად იბრძვიან საქართველოს ევროპული მომავლისთვის. დღეს კი, სამწუხაროდ, პოლიცია არა კანონს, არამედ შეთქმულების თეორიებით შეპყრობილ ივანიშვილს ემორჩილება და თავად იქცა მთავრ მოძალადედ. შინაგან საქმეთა მინისტრი, გომელაური ივანიშვილის ყოფილი პირადი მცველია და საქართველოს პოლიცია ივანიშვილის დაცვის პირად სამსახურად აქცია - ეს ნებისმიერ ქართველს შეურაცხყოფს. ამიტომ, 2024 წლის 24 მაისს, 19 საათზე, შევიკრიბოთ თავისუფლების მოედანზე და დავიძრათ მარშით შინაგან საქმეთა სამინისტროსკენ, რათა სარკეში ჩავახედოთ და ვაჩვენოთ პოლიციელებს, როგორ გამოიყურებიან, როდესაც უსწორდებიან საქართველოს უკეთესი მომავლისათვის მებრძოლ დებს, ძმებსა და შვილებს. ამ მარშით სოლიდარობა ვაჩვენოთ პროტესტში მონაწილე ყველა დაკავებულ, დაპატიმრებულ და დაზარალებულ თანამებრძოლს. კი ევროპას! არა რუსულ კანონს!" - ნათქვამია განცხადებაში. ავტორი: ექსპრესნიუსი, კალაძე - ეროვნული ნაკრების გადასაწყვეტია, რამდენად უღირთ ორდენები, როცა თავიანთი კოლეგები, ვისთან ერათადაც იბრძოდნენ, გამოტოვეს
გარემოს ეროვნული სააგენტო საქართველოში მოსალოდნელი ამინდის შესახებ მოსახლეობას აფრთხილებს
სანდუ - ვდგავართ საქართველოს გვერდით, რადგან ისინი ნათელი, დემოკრატიული მომავლისკენ ისწრაფვიან
საძოვრების მართვის შესახებ კანონპროექტის განხილვა გაიმართა
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 526 310-მდე რუსი ჯარისკაცი მოკლეს
ერმაკი - ზელენსკის დროს ახალი „მინსკი“ ან „ბუდაპეშტი“ არ იქნება
მედია - უკრაინულმა ძალებმა ვოლჩანსკის ქარხანა ალყაში მოაქციეს
ვიდეო/LIVE საქართველოს დამოუკიდებლობის დღე - პირდაპირი
|