2024-04-17 20:18:57, 321 ნახვა
საზოგადოება
Bassiani: უარი და წინააღმდეგობა ანტისახალხო რუსულ კანონს!
ღამის კლუბი Bassiani რუსულ კანონს ეწინააღმდეგება. განცხადებაში წერია: „ჩვენი ქვეყნის მმართველმა კლასმა არ იკმარა წლების განმავლობაში წარმოებული ანტისოციალური, ანტისახალხო პოლიტიკა, ეკონომიკური და კულტურული ჩაგვრები, რომლითაც ანაწევრებდა საზოგადოებას და ამით, ქვეყანას მხოლოდ საკუთარი პირადი კეთილდღეობის წყაროდ აქცევდა. 2023 წლის მარტში, საყოველთაო პროტესტის შედეგად უკან გაწვეული “რუსული კანონის” დაბრუნებითა და დღეს მისი პირველი მოსმენით მიღებით, ამ პოლიტიკურმა კლასმა საბოლოოდ განაცხადა, რომ მათი მიზანი არაა, და არასდროს ყოფილა საზოგადოების კეთილდღეობაზე ზრუნვა. რუსული კანონი საქართველოს ართმევს წინსვლისა და განვითარების იმ გზებს, რომელიც, ქართველმა ხალხმა, ათწლეულების განმავლობაში, ყველა გამოწვევის, ომებისა და ნგრევის მიუხედავად, ერთად დგომითა და შეუპოვარი ბრძოლით მოიპოვა. ამ მოღალატეობრივი და მავნებლური გადაწყვეტილების შემდეგ დუმილი დანაშაულის ტოლფასია, ხოლო მის წინააღმდეგ ხმის ამოღება, ქუჩაში გასვლა და ბრძოლა გამარჯვებამდე ქვეყნის თითოეული მოქალაქის ვალდებულებაა. BASSIANI უერთდება სახალხო წინააღმდეგობას და იმედს ვიტოვებთ, ამ წინააღმდეგობის ნაწილი გახდება საქართველოსა და მის ფარგლებს გარეთ მოქმედი ყველა ჯგუფი და ინდივიდი, რომლისთვისაც ამ ქვეყნის მომავალი ძვირფასი და მნიშვნელოვანია. არა რუსულ კანონს, დაიკავე ქუჩა – დღეს, პარლამენტის წინ, 19:00″. დღეს, 17 აპრილს „ქართული ოცნების“ და „ხალხის ძალის“ 82-მა დეპუტატმა და „ევროპელი სოციალისტების“ ერთმა დეპუტატმა I მოსმენით მხარი დაუჭირა რუსულ კანონს, რომელიც არასამთავრობო ორგანიზაციებისა და მედიების უცხოური ინტერესების სუბიექტებად დარეგისტრირებას ითვალისწინებს. მმართველმა გუნდმა ეს მაინც გააკეთა, მიუხედავად მოქალაქეების პროტესტის, ადგილობრივი და საერთაშორისო ორგანიზაციების და დასავლური ქვეყნების ლიდერების კრიტიკის პარალელურად. ავტორი: ექსპრესნიუსი, „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
რატი იონათამიშვილი კანონზე - ჩვენ აუცილებლად მივიყვანთ ამ საქმეს ბოლომდე
კასპში 11 ქუჩა რეაბილიტირდება
შინაგან საქმეთა მინისტრმა მიგრაციის საკითხებში გერმანიის ფედერალური მთავრობის სპეციალურ რწმუნებულთან შეხვედრა გამართა
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 468 720-მდე რუსი ჯარისკაცი მოკლეს
ოდესაზე რუსეთის სარაკეტო თავდასხმას, სულ მცირე, 4 ადამიანი ემსხვერპლა
ნატოს გენერალური მდივანი კიევში ჩავიდა
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|