2024-04-17 15:45:58, 313 ნახვა
საზოგადოება
არასამთავრობოები - მოვუწოდებთ პოლიციას, შეწყვიტოს შეკრების თავისუფლებაში ჩარევა, უკანონო დაკავებები და ფიზიკური ძალადობა
არასამთავრობო ორგანიზაციები „უცხოური გავლენის გამჭვირვალობის შესახებ“ კანონპროექტის წინააღმდეგ გამართულ აქციაზე დაკავებულ პირებთან დაკავშირებით ერთობლივ განცხადებას ავრცელებენ, სადაც პოლიციას და საგამოძიებო სამსახურს „გამოხატვისა და შეკრების თავისუფლებაში უკანონო ჩარევის, უკანონო დაკავებების, მოქალაქეებზე ფიზიკური ძალადობის შეწყვეტისა და პოლიციელთა მიერ ჩადენილი სავარაუდო დანაშაულების მოკლე დროში გამოძიებისკენ" მოუწოდებენ. „ექსპრესნიუსი“ ერთობლივ განცხადებას უცვლელად გთავაზობთ: „გუშინ, 16 აპრილს, პოლიციამ 13 მშვიდობიანი ადამიანი დააკავა, რომელიც შეკრებისა და გამოხატვის თავისუფლებით სარგებლობდა და საქართველოს ევროპულ მომავალს იცავდა. ჩვენ, ქართული არასამთავრობო ორგანიზაციები, მთელი ღამის განმავლობაში ვეძებდით დაკავებულებს იზოლატორებში და ვხვდებოდით მათ, ვესაუბრებოდით, აღვწერდით მათი უფლებების დარღვევის ფაქტებს. საზოგადოებას ვაცნობებთ, რომ დაკავებულთა უმეტესობას ფიზიკური დაზიანების ნიშნები აქვს, ხოლო სამი მათგანი - ამჟამად ჰოსპიტალიზებულია. ისინი აცხადებდნენ, რომ მიუხედავად დაკავებისა თუ დაზიანებისა, გააგრძელებენ ბრძოლას რუსული კანონის წინააღმდეგ, საქართველოს ევროპული მომავლისთვის. მოვუწოდებთ პოლიციას, შეწყვიტოს გამოხატვისა და შეკრების თავისუფლებაში უკანონო ჩარევა, უკანონო დაკავებები და მოქალაქეებზე ფიზიკური ძალადობა. მოვუწოდებთ სპეციალურ საგამოძიებო სამსახურს, მაქსიმალურად მოკლე დროში გამოიძიოს პოლიციელთა მიერ ჩადენილი სავარაუდო დანაშაულები. კიდევ ერთხელ ვაცხადებთ, რომ ჩვენ ვიცავთ და დავიცავთ ყველა დაკავებულის უფლებას. ჩვენ ვემსახურებით ქართველ ხალხს. არც ერთი ადამიანი, რომელიც კანონიერად სარგებლობს გამოხატვის თავისუფლებით, არ დარჩება სამართლებრივი მხარდაჭერის გარეშე. არა რუსულ კანონს!“, - ნათქვამია ერთობლივ განცხადებაში, რომელსაც ათამდე არასამთავრობო ორგანიზაცია აწერს ხელს. ავტორი: ექსპრესნიუსი, ჩიქოვანი - თანამედროვე გამოწვევების პირობებში, გავაგრძელებთ ძალისხმევას, რომელიც ჩვენი ჯარის გაძლიერებას ემსახურება
ჩიქოვანი - სამხედრო მოსამსახურეების პროფესიონალიზმსა და პატრიოტიზმზე დგას ჩვენი სამშობლოს სიძლიერე
კახა ოქრიაშვილი - იმედია, რევოლუციის შიში „ოცნებას“ არჩევნების გაყალბებაზე უარს ათქმევინებს
სოლომონ პავლიაშვილმა, კანადაში, მთავრობათაშორისი მოლაპარაკების კომიტეტის სესიაში მიიღო მონაწილეობა
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 468 720-მდე რუსი ჯარისკაცი მოკლეს
ოდესაზე რუსეთის სარაკეტო თავდასხმას, სულ მცირე, 4 ადამიანი ემსხვერპლა
ნატოს გენერალური მდივანი კიევში ჩავიდა
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|