2024-03-28 12:05:25, 281 ნახვა
საზოგადოება
ოთარ შამუგია სამხრეთ-აღმოსავლეთ ევროპის სოფლის განვითარების რეგიონული ჯგუფის გენერალურ მდივანს შეხვდა
საქართველოს გარემოს დაცვისა და სოფლის მეურნეობის მინისტრი ოთარ შამუგია სამხრეთ-აღმოსავლეთ ევროპის სოფლის განვითარების რეგიონული ჯგუფის (SWG) გენერალურ მდივანს ბობან ილიჩს შეხვდა. შეხვედრაზე მინისტრმა სამხრეთ-აღმოსავლეთ ევროპის სოფლის განვითარების რეგიონულ ჯგუფში საქართველოს დამკვირვებლის სტატუსით გაწევრიანების მნიშვნელობის შესახებ ისაუბრა და ჯგუფის გენერალურ მდივანს აღნიშნული ინიციატივისთვის მადლობა გადაუხადა. „ჩვენთვის, როგორც ევროკავშირის კანდიდატის სტატუსის მქონე ქვეყნისთვის, განსაკუთრებით მნიშვნელოვანი და საპასუხისმგებლოა სამხრეთ-აღმოსავლეთ ევროპის სოფლის განვითარების რეგიონულ ჯგუფში დამკვირვებლის სტატუსით გაწევრიანება. ევროკავშირის წევრობა ქართველი ხალხის ერთსულოვანი არჩევანია. ევროინტეგრაციის გზაზე ჩვენ მნიშვნელოვანი პროგრესი გვაქვს, მაგრამ რჩება გამოწვევები, რაშიც პარტნიორი ქვეყნების გამოცდილების გაზიარება და მხარდაჭერა განსაკუთრებით მნიშვნელოვანია. ვფიქრობ, ჯგუფის წევრობის პირობებში შევძლებთ გარემოსდაცვითი და სოფლის მეურნეობის მიმართულებით საუკეთესო პრაქტიკის და გამოცდილების გაზიარებას, რაც დაგვეხმარება ასოცირების ხელშეკრულებით ნაკისრი ვალდებულებების დროულ და ეფექტიან შესრულებაში. საკითხი, უაღრესად მნიშვნელოვანია და ამ პროცესში პირადად ვიქნები ჩართული“,- განაცხადა ოთარ შამუგიამ. „გილოცავთ, თქვენ მეგობრების ჯგუფს შემოუერთდით. ჩვენი მიზანია, ჯგუფის წევრ ქვეყნებთან მჭიდრო კომუნიკაციით და საუკეთესო პრაქტიკის გაზიარებით, ხელი შევუწყოთ ქვეყანაში სოფლის მეურნეობის მდგრად განვითარებას. მაქვს ნაყოფიერი თანამშრომლობის მოლოდინი“,- განაცხადა ბობან ილიჩმა. სამხრეთ-აღმოსავლეთ ევროპის სოფლის განვითარების რეგიონული ჯგუფი წარმოადგენს საერთაშორისო მთავრობათაშორის ორგანიზაციას, რომელიც 2005 წლიდან, დაინტერესებულ მხარეებთან მუდმივი თანამშრომლობით ხელს უწყობს სოფლისა და სოფლის მეურნეობის მდგრადი პრინციპების განვითარებას. გარემოს დაცვისა და სოფლის მეურნეობის სამინისტროში გამართულ შეხვედრას მინისტრის მოადგილე თენგიზ ნასარიძე და სამინისტროს შესაბამისი სამსახურების წარმომადგენლები ესწრებოდნენ. ინფორმაციას სოფლის მეურნეობის სამინისტრო ავრცელებს. ავტორი: NS (სტატია დაფინანსებულია), შალვა პაპუაშვილს უკვირს ამერიკელი სენატორების პოზიციები
უკრაინა კრასნოდარის მხარეში თავს დაესხა ნავთობგადამამუშავებელ ქარხანასა და სამხედრო აეროდრომს
პუტინმა საყოფაცხოვრებო ტექნიკის უმსხვილესი მწარმოებლების რუსული ბიზნესი Bosch და Ariston გაზპრომს გადასცა
Welt: უკრაინა გამოვიდა რუსეთთან მოლაპარაკებების პროცესიდან 2022 წელს იმის გამო, რომ კრემლმა ახალი მოთხოვნები წამოაყენა
|
ომი უკრაინაშიუკრაინა კრასნოდარის მხარეში თავს დაესხა ნავთობგადამამუშავებელ ქარხანასა და სამხედრო აეროდრომს
Welt: უკრაინა გამოვიდა რუსეთთან მოლაპარაკებების პროცესიდან 2022 წელს იმის გამო, რომ კრემლმა ახალი მოთხოვნები წამოაყენა
კანადა უკრაინას საბრძოლო თვითმფრინავების წარმოებისთვის 2,3 მილიონ დოლარზე მეტს გამოუყოფს
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|