2024-01-04 16:20:01, 931 ნახვა
საზოგადოება
ახალქალაქის შესასვლელთან სატვირთო მდინარეში გადავარდა - დაიღუპა ერთი ადამიანი
ახალქალაქი-ახალციხის გზაზე, ახალქალაქის შესასვლელთან, თურქული სანომრე ნიშნებით მოძრავი სატვირთო ავტომობილი ამობრუნდა და მდინარეში გადავარდა. აღნიშნულის შესახებ ინფორმაციას ადგილობრივი მედია ავრცელებს.
გამოცემის ცნობით, შემთხვევის შედეგად მძღოლი გარდაიცვალა. თვითმხილველების თქმით, ის კაბინაში გაიჭედა და გამოსვლა ვერ მოახერხა.
მედიის ცნობითვე, ადგილზე სამაშველო სამსახური იყო მობილიზებული.
ავტორი: ექსპრესნიუსი,
epn.ge (@expressnews.ge)
