2024-01-04 14:34:38, 1472 ნახვა
საზოგადოება
„ბათუმელები“ - ბათუმში პიროტექნიკით ორი ადამიანი დაშავდა
ბათუმში პიროტექნიკის აფეთქების შედეგად 2 ადამიანი დაშავდა. აღნიშნულის შესახებ ინფორმაციას „ბათუმელები“ ავრცელებს.
გამოცემის ცნობით, 31 დეკემბერს, ბათუმში, საერთაშორისო ჰოსპიტალში [ბაუ] ორივე ხელის მტევნის მრავლობითი დამწვრობით 40 წლის მამაკაცი შეიყვანეს.
როგორც „ბათუმელებს“ კლინიკაში უთხრეს, პაციენტმა ერთი თითი სრულად, მეორე კი ნაწილობრივ დაკარგა. გარდა ამისა, 30 დეკემბერს ბათუმის სამედიცინო ცენტრში პიროტექნიკის აფეთქების შედეგად დაშავებული 25 წლის კაცი გადაიყვანეს.
როგორც კლინიკაში „ბათუმელებს“ განუცხადეს, მამაკაცს ერთი თითი უკვე საავადმყოფოში მიყვანამდე ჰქონდა დაკარგული.
ავტორი: ექსპრესნიუსი,
epn.ge (@expressnews.ge)
