​ინფორმაცია, რომ თურმე ჯარში შედის უხარისხო კვება, არის აბსოლუტურად აცდენილი რეალობას და არის ჯარის დისკრედიტაციის მცდელობა, - აღნიშნულის შესახებ საქართველოს თავდაცვის მინისტრმა, ჯუანშერ ბურჭულაძემ მთავრობის სხდომის დასრულების შემდეგ გამართულ პრესკონფერენციაზე განაცხადა.

ბურჭულაძის თქმით, თავდაცვის სამინისტროში ხარისხის კონტროლს 4 ქვედანაყოფი აწარმოებს.

„ჩვენ 4 სხვადასხვა მექანიზმი შევქმენით ხარისხის კონტროლის, ზუსტად იმიტომ, რომ ჩვენმა ჯარმა მიიღოს საუკეთესო პროდუქტი. ასევე, არსებითად გავაუმჯობესეთ საკვები პროდუქტის ხარისხი - შედის ქართული გაუყინავი ხორცი, ისეთი მომწოდებლის მიერ მოწოდებული ყველი, რომელიც საქართველოში ყველაზე ძვირფას სუპერმარკეტს ამარაგებდა. ეს არის რეალობა. ჯარში დღეს შემოდინება გვაქვს ისეთ ნიშნულზე, რაც არ ყოფილა ბევრი წლის განმავლობაში. ეს არის კონკრეტული პასუხი დისკრედიტაციაზე, რასაც ეწევიან ჩვენი ოპოზიციური არხები. ჩვენ ამას, რა თქმა უნდა, არ მოვითმენთ და ყოველთვის ვეცდებით ვამხილოთ ადამიანები, რომლებიც ეწევიან სახელმწიფოს დისკრედიტაციას“, - განაცხადა ბურჭულაძემ.

მისივე თქმით, რომელიმე ქვედანაყოფში რომ გაფუჭებული ულუფა მოხვედრილიყო, ამაზე პირველ რიგში, რეაგირებას თვითონ ჯარი გააკეთებდა.

„ჯარის კვება იმდენად სენსიტიური თემაა, 4 ქვედანაყოფი: გენერალური ინსპექცია, სამხედრო პოლიცია, ჩვენი კვების კომპანიის ზედამხედველობის დეპარტამენტი და ასევე, ჩვენ მიერ შექმნილი დეპარტამენტი - აი, ამ ოთხი მექანიზმით კონტროლდება ჯარის კვება. წარმოიდგინეთ, რომელიმე ქვედანაყოფში რომ გაფუჭებული ულუფა მოხვედრილიყო, ამაზე პირველ რიგში, რეაგირებას თვითონ ჯარი გააკეთებდა. დამატებით, ჩვენ თავად ჯარიც ჩავრთეთ ამ პროცესში, რომ კიდევ ერთი მექანიზმი შეგვექმნა. ამის იქით არ არსებობს რამე მექანიზმი თეორიულად, რაც შეგვეძლო მოგვეფიქრებინა ხარისხის კონტროლისთვის“, - დასძინა ბურჭულაძემ.

ავტორი: ექსპრესნიუსი,

სოციალური ქსელები

რუსეთის მიერ უკრაინაში დადასტურებულმა დანაკარგებმა 350 000-ს გადააჭარბა

მოსკოვში გამარჯვების დღის აღლუმი ისტორიაში ერთ-ერთი ყველაზე მოკლე აღლუმი იყო

კობახიძემ ევროკავშირის ელჩს ტრაგიკული პიროვნება უწოდა, ჰერჩინსკიმ ლანძღვას უპასუხა

ჰერჩინსკი - გრძელდება ანტი-ევროპული რიტორიკა, რომელიც კიდევ უფრო მეტად აზიანებს წლობით ნაშენებ მეგობრობას