იუსტიციის სახლსა და გაეროს განვითარების პროგრამას შორის სახელმწიფო სერვისების ხელმისაწვდომობის გაუმჯობესების მიმართულებით ახალი შეთანხმება გაფორმდა

2023-11-16 11:07:48, 612 ნახვა

საზოგადოება

იუსტიციის სახლი და გაეროს განვითარების პროგრამა (UNDP) სახელმწიფო სერვისების ხელმისაწვდომობის გაუმჯობესების მიმართულებით მრავალწლიან თანამშრომლობას აგრძელებენ და ამ კუთხით 15 ნოემბერს ახალი შეთანხმება გაფორმდა. ამის შესახებ ინფორმაციას იუსტიციის სახლი ავრცელებს.

იუსტიციის სახლის მიერ გავრცელებული ინფორმაციის თანახმად, ახალი შეთანხმების ფარგლებში, განსაკუთრებული ყურადღება დაეთმობა სახელმწიფო სერვისებზე ხელმისაწვდომობის გაუმჯობესებას სოფლად მცხოვრები მოსახლეობისთვის, შეზღუდული შესაძლებლობის მქონე პირებისა და ეთნიკური უმცირესობების წარმომადგენლებისთვის.

"შეთანხმების წერილს ხელი მოაწერეს იუსტიციის სახლის თავჯდომარემ, ლაშა ლობჯანიძემ და UNDP-ის მოქმედმა ხელმძღვანელმა საქართველოში, დაგლას უებმა.

ამ შეთანხმებით გათვალისწინებული საქმიანობა განხორციელდება ევროკავშირის ხელშეწყობით, ევროკავშირის სოფლისა და სოფლის მეურნეობის განვითარების პროგრამის, ENPARD-ის ფარგლებში.

პროექტი ითვალისწინებს იუსტიციის სახლის 200-ზე მეტი თანამშრომლის გადამზადებას, რის შედეგად ისინი კომუნიკაციის გაუმჯობესებული უნარებით გაუწევენ მომსახურებას შეზღუდული შესაძლებლობის მქონე პირებს.

ასევე, ბიზნეს ანალიტიკის სისტემების ინტეგრირებით, იუსტიციის სახლს შესაძლებლობა ექნება, უმცირესობებით კომპაქტურად დასახლებულ და სხვა რეგიონებში გამოავლინოს არსებული საჭიროებები და მნიშვნელოვნად გააუმჯობესოს სერვისების მიწოდება. ეთნიკური უმცირესობებით დასახლებული რეგიონებისთვის საინფორმაციო მასალის შექმნა და მიწოდება ეთნიკური უმცირესობების ენებზე მნიშვნელოვნად აამაღლებს ცნობიერებას, აღნიშნულ ჯგუფებში სახელმწიფო სერვისების შესახებ.

პროექტის სამიზნე რეგიონებს წარმოადგენს კახეთი, იმერეთი, რაჭა-ლეჩხუმ - ქვემო სვანეთი და გურია",- ნათქვამია იუსტიციის სახლის ინფორმაციაში.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),