2023-10-12 14:26:19, 798 ნახვა
საზოგადოება
კახეთში ნადირობის დროს 27 წლის კაცი დაიღუპა
კახეთში, ყვარლის მუნიციპალიტეტის სოფელ საბუის ტყეში, ნადირობის დროს 27 წლის კაცი დაიღუპა. აღნიშნულის შესახებ ინფორმაციას knews.ge ავრცელებს.
გამოცემის ცნობით, ახალგაზრდა ტყეში მეგობართან ერთად სანადიროდ იმყოფებოდა, რა დროსაც მის მეგობარს სანადირო თოფიდან ტყვია გაუვარდა. დაჭრილი მამაკაცი ადგილზე გარდაიცვალა.
შემთხვევის ადგილზე საგამოძიებო მოქმედებები მიმდინარეობს.
ავტორი: ექსპრესნიუსი,
epn.ge (@expressnews.ge)
