ჯანმრთელობის ხელშეწყობის სახელმწიფო პროგრამის, თამბაქოს კონტროლის კანონის აღსრულების ყოველთვიური მონიტორინგის ფარგლებში დარღვევებს კვლავ ვაწყდებით. სამწუხაროა, რომ მოწევის რეგულაციებს მეტ წილად საჯარო სექტორში უარყოფენ, სადაც 100% უნდა სრულდებოდეს. მესამე წელია ჩავარდნილია თამბაქოს კონტროლის ფართომასშტაბიანი, სახელმწიფო, საკომუნიკაციო პროგრამები და როგორც ჩანს, ამიტომაც საჯარო სექტორში დასაქმებულების ნაწილს მოწევის რეგულაციებიც დაავიწყდა და მათი აღსრულების ვალდებულებაც. 

მოქალაქეების შეტყობინების საფუძველზე და უამისოდაც ვცდილობთ მაქსიმალურად ბევრი საჯარო დაწესებულების შენობა შევამოწმოთ, რა დროსაც მთელ რიგ წინააღმდეგობებს ვაწყდებით. მონიტორებს საგანგებო ნებართვების გარეშე თითქმის არცერთ საჯარო დაწესებულებაში არ უშვებენ. მათი დაყოვნების პროცესში კი ახერხებენ მოწევის რეგულაციის დარღვევის ძირითადი კვალის: საფერფლეების და ნამწვის დამალვას. 

დაჯარიმებულ საჯარო დაწესებულებებს შორის მოხვდნენ, სამეგრელოს რეგიონის მუნიციპალიტეტები, მერიები, საგარეჯოს მუნიციპალიტეტი, ამჯერად წყალტუბოდან მოქალაქეებმა მოგვმართეს და სწრაფი რეაგირების შედეგად, წყალტუბოს მერიის შენობაში იჯარით მყოფი ორგანიზაცია დაჯარიმდა. საფერფლეები და ნამწვი შემჩნეულია ქუთაისის მერიაშიც. 

მოსახლეობა გვთხოვს, რომ მონიტორები დავამატოთ მეტი დარღვევის გამოსავლენად. თუმცა, ამ პროცესს ასიათასკაციანი ჯარიც ვერ ეყოფა, თუ კანონის აღსრულების მონიტორი თითოეული ჩვენგანი არ გახდება და თვალს არ დავხუჭავთ არცერთ შემთხვევაზე. 

ასეთ პირობებში განსაკუთრებით მნიშვნელოვანია მედიის საინფორმაციო მხარდაჭერა, საზოგადოებისთვის ხშირად შეხსენება, რომ დახურულ სივრცეში მოწევის აკრძალვა არამხოლოდ კაფე-ბარებსა და რესტორნებს  (95% აღსრულება ფიქსირდება), საჯარო სექტორის შენობებსა და ოფისებსაც ეხება.

მიუხედავად იმისა, რომ აუცილებელია მონიტორების რაოდენობის და შესაბამისად, ყოველთვიური მონიტორინგის მასშტაბების გაზრდა, თითოეულ მოქალაქეს, ვისთვისაც მნიშვნელოვანია საზოგადოების ჯანსაღ გარემოში ცხოვრება, შეუძლია თვითონ იყოს მონიტორი. თუკი მოწევის რეგულაციის დარღვევის ფაქტებს დააფიქსირებთ, გთხოვთ, დაუკავშირდეთ საპატრულო პოლიციას 112-ის მობილური აპლიკაციის საშუალებით და მოითხოვეთ სამართალდამრღვევის მიმართ რეაგირება. გვერწმუნეთ, ძირითად შემთხვევაში ჯარიმა არავის არ სიამოვნებს, ცდილობენ გამოსწორდნენ და თქვენი მოქალაქეობრივი პოზიცია შედეგს აუცილებლად გამოიღებს. 

ინფორმაციას თამბაქოს კონტროლის ცენტრი ავრცელებს.

ავტორი: NS (სტატია დაფინანსებულია),

სოციალური ქსელები

ევროკავშირმა ეუთოს თავმჯდომარეობაზე საქართველოს კანდიდატურის წინააღმდეგ გამოვიდა

თიბისი მომხმარებლებს საქართველოს დიდი ქალაქების საზოგადოებრივ ტრანსპორტში 50%-იან ქეშბექს სთავაზობს

მცხეთაში იარაღის სამალავის საქმეზე დაკავებულს საპროცესო გარიგება გაუფორმეს

აქციების დროს დაკავებულების ოჯახის წევრები „საზოგადოებრივ მაუწყებელთან“ აქციას მართავენ