ტენდენციაა, რომ მშენებლობებს შეუტიონ, ქვეყნის განვითარება, ქალაქის აღმშენებლობა დააზიანონ, - ამის შესახებ დედაქალაქის მერმა, კახა კალაძემ გლდანის პირველ მიკრორაიონში მიმდინარე ერთ-ერთი მშენებლობის შესახებ ისაუბრა.

მისი თქმით, თბილისის მერია არ გასცემს ისეთ ნებართვებს და არ ახორციელებს ისეთ განაშენიანებას, რაც შეიძლება ქალაქის ხვალინდელი დღისთვის დამაზიანებელი იყოს. 

„მე არ ვიცნობ აღნიშნული მშენებლობის შესახებ დეტალებს. გამიჭირდება ამაზე საუბარი, თუმცა გულწრფელად შეგიძლიათ გითხრათ ერთი რამ - სამშენებლო ნებართვა, რომელიც გაიცემა ჩვენი შესაბამისი სამსახურების მხრიდან, ყველა არის კანონიერი და ჯდება მოთხოვნებში. აქაც, დარწმუნებული ვარ, რომ ყველაფერი სუფთად და კანონიერად მიმდინარეობს. სისულელეა იმაზე საუბარი, რომ ამ კომპანიას ვინმე მფარველობს. ტენდენციაა, რომ მშენებლობებს შეუტიონ, ქვეყნის განვითარება, ქალაქის აღმშენებლობა დააზიანონ. ეს არის მიზანმიმართული კამპანია, რასაც ზოგი გამორჩენის მიზნით აკეთებს, რომ ინვესტორთან მივიდეს და ფული გამოსძალოს.

ქალაქის აღმშენებლობა, განვითარება, მშენებლობები, რომელსაც უდიდესი წვლილი შეაქვს ქვეყნის ეკონომიკურ განვითარებაში, რა თქმა უნდა, გაგრძელდება და ამ ქალაქის ურბანული ინტერესები დაცული იქნება“, - განაცხადა კახა კალაძემ.

ავტორი: NS (სტატია დაფინანსებულია),

სოციალური ქსელები

საქართველოს ბანკმა AI-ის ყველაზე ინოვაციური გამოყენებისთვის DataIQ-სგან ჯილდო მიიღო

ტერაქტის მცდელობა თუ პილოტების ჩხუბი კაბინაში - რა მოხდა Flydubai-ს რეისზე

₾100 ათასამდე შემოსავლის მქონე პირები ქონების გადასახადისგან გათავისუფლდნენ - პარლამენტმა კანონი მიიღო

2027 წლიდან 70 წლამდე პირთა პენსია ₾20-ით გაიზრდება, 70 წელს ზემოთ - ₾60-ით - ბიუჯეტის პროექტი