დღეს საქართველოში ევროკავშირის უმაღლესი წარმომადგენელი ჯოზეფ ბორელი ოფიციალური ვიზიტით ჩამოვა. 

ევროკავშირის საგარეო ქმედებათა სამსახურის ინფორმაციით, ქვეყანაში მისი პირველი ოფიციალური ვიზიტი ამჟამინდელი უფლებამოსილებით საშუალებას მისცემს განიხილოს საქართველოს ევროინტეგრაციის გზაზე პროგრესი, ასევე, გაცვალოს აზრები უფრო ფართო საგარეო პოლიტიკასა და რეგიონულ საკითხებზე.

ვიზიტის ფარგლებში, ევროკავშირის უმაღლესი წარმომადგენელი საქართველოს პრეზიდენტს, სალომე ზურაბიშვილს და საგარეო საქმეთა მინისტრ ილია დარჩიაშვილს შეხვდება.

გარდა ამისა, დაგეგმილია შეხვედრა საქართველოს პრემიერ-მინისტრთან, ირაკლი ღარიბაშვილთანაც.

"უმაღლესი წარმომადგენელი ვიზიტის დროს ევროკავშირის სადამკვირვებლო მისიის საქართველოში ყოფნის 15 წელს აღნიშნავს, რაც ასახავს ევროკავშირის ერთგულებას საქართველოს უსაფრთხოებისა და კონფლიქტების მშვიდობიანი მოგვარების მიმართ. ის მონაწილეობას მიიღებს ევროკავშირის სადამკვირვებლო მისიის იერ ორგანიზებულ მისიაში ადმინისტრაციული საზღვრის გასწვრივ", - ნათქვამია განცხადებაში.

ავტორი: ექსპრესნიუსი,

სოციალური ქსელები

ჩინეთი სირიასთან სტრატეგიულ პარტნიორობას იწყებს

პოლონეთის პრეზიდენტი - მარცვლეულზე დავა უკრაინისა და პოლონეთის ურთიერთობას ძირეულად არ შეცვლის

სამადაშვილი „ოცნებას“ - რას უკრავთ ტაშს, რომ შოვში 30-ზე მეტი ადამიანი დაგვეღუპა?

გომელაური - 2019 წლიდან ყველა მეხანძრე-მაშველს 50%-ით გაეზარდა ხელფასი - ასევე, ყველა მასშტაბური სამაშველო ოპერაციის შემდეგ იღებენ პრემიებს