ფინანსთა სამინისტროს შემოსავლების სამსახურში მიმდინარე ინფრასტრუქტურული რეფორმების ფარგლებში, საბაჟო დეპარტამენტის ყველა გამშვები პუნქტისა და გაფორმების ეკონომიკური ზონის მებაჟე ოფიცრებს დღეიდან, საქართველოში წარმოებული, მაღალხარისხიანი ქსოვილისგან დამზადებული ახალი ფორმა და სპეციალური ეკიპირება გადაეცათ. აღნიშნულის შესახებ ინფორმაციას ფინანსთა სამინისტროს შემოსავლების სამსახური ავრცელებს.

მათი ცნობით, თანამედროვე დიზაინის თბილი ქურთუკები/საწვიმრები და ზამთრის ფეხსაცმელები სპეციალურად საბაჟო დეპარტამენტის თანამშრომლებისთვის არის შექმნილი და საერთაშორისო სტანდარტს სრულად აკმაყოფილებს.

„მებაჟე ოფიცრების სამუშაო რეჟიმიდან და სხვადასხვა ლოკაციაზე რთული მეტეოროლოგიური პირობებიდან გამომდინარე, სამსახურებრივი ფორმის შექმნისას გათვალისწინებულია, როგორც მისი კომფორტულობა, ასევე თერმორეგულაციის სავალდებულო კომპონენტი და ხარისხი.

აღსანიშნავია, რომ 2023 წლიდან, შემოსავლების სამსახურის საბაჟო დეპარტამენტის თანამშრომშრომლებს, თანამდებობისა და წელთა ნამსახურობის გათვალისწინებით, საქართველოს კანონმდებლობით დადგენილი წესის შესაბამისად, სპეციალური სახელმწიფო წოდება მიენიჭათ. სწორედ, აღნიშნული წოდებები და მათი განმასხვავებელი ნიშნები არის გამოსახული საბაჟო დეპარტამენტის თანამშრომლების ახალ ფორმებზე.

მიმდინარე კვირის განმავლობაში, ზამთრისა და გაზაფხულის სეზონების ახალი ფორმები, მთელი ქვეყნის მასშტაბით, საბაჟო დეპარტამენტის 1550 თანამშრომელს დაურიგდა“,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

საქართველოს მთლიანმა საგარეო ვალმა, 2026 წლის 30 ივნისის მდგომარეობით 28.2 მლრდ აშშ დოლარი (74.5 მლრდ ლარი) შეადგინა

რუსეთის მოქალაქე, რომელმაც თბილისში აივნიდან გადმოაფსა, 15 დღით დააკავეს და შემდეგ საქართველოდან დაადეპორტებენ

საუდის არაბეთმა Flydubai-ს ბორტზე მომხდარ ინციდენტთან დაკავშირებით გამოძიება დაიწყო

საქართველოს ბანკმა AI-ის ყველაზე ინოვაციური გამოყენებისთვის DataIQ-სგან ჯილდო მიიღო