2023-08-16 22:10:35, 894 ნახვა
საზოგადოება
კაცი, რომელსაც ბათუმში, ზღვაში სკუტერი დაეჯახა გარდაიცვალა
გარდაიცვალა კაცი, რომელსაც ბათუმში სკუტერი დაეჯახა. შემთხვევა დღეს, ცოტა ხნის წინ მოხდა.
როგორც გამოცემა "ბათუმელები" წერდა, კაცს სკუტერმა ე.წ. პიშევიკების ტერიტორიაზე გადაუარა.
კაცი ზღვიდან უგონო მდგომარეობაში გამოიყვანეს - მას ჭრილობა ჰქონდა თავის არეში.
როგორც "ექსპრესნიუსს" შინაგან საქმეთა სამინისტროში განუცხადეს, გამოძიება სისხლის სამართლის კოდექსის 275-ე მუხლით მიმდინარეობს, რაც რკინიგზის, წყლის ან საბაგიროს ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს და ისჯება ჯარიმით, ან 1 წლამდე პატიმრობით.
ავტორი: ექსპრესნიუსი,
epn.ge (@expressnews.ge)
