არანაირი დაზიანებული ადამიანი არ არსებობდა, რომელიც ამოსაყვანი იყო და ჩვენ დავტოვეთ,- ამის შესახებ შინაგან საქმეთა მინისტრმა, ვახტანგ გომელაურმა შოვში სამძებრო-სამაშველო ღონისძიებებთან დაკავშირებით განაცხადა.

როგორც მინისტრმა ჟურნალისტებთან საუბრისას თქვა, სტიქიის ზონაში მაღალტექნოლოგიური დრონები მუშაობდა.

"ვერტმფრენი ჩამოვიდა, დაახლოებით, 18:00 საათისთვის. მოხდა შემოფრენა, ხალხის გამოყვანა, რომლებიც კუნძულზე მოხვდნენ. აქ იყო 70 კაცამდე და ეს ხალხი გამოიყვანეს. ამასთან ერთად, მუშაობდა რამდენიმე დრონი - 4-5. ძალიან მაღალი ტექნოლოგიური დრონები ვერტმფრენით შემოფრენზე უკეთ ხედავს. დრონები მუშობდა დაბალ სიმაღლეზე, მაღალ სიმაღლეზე. და კითხვაა - ვერტმფრენით უფრო კარგად გამოჩნდებოდა თუ ღამის ხედვის სითბური დრონიდან? დღე დათვალიერდა ეს ტერიტორიები მთლიანად. არანაირი დაზიანებული ადამიანი არ არსებობდა, რომელიც ამოსაყვანი იყო და ჩვენ დავტოვეთ. ვერტმფრენსაც რომ არ შეძლებოდა, მაშველები მაინც შევიდოდნენ და ამოიყვანდნენ - ვინმე რომ ყოფილიყო დაშავებული, დაჭრილი და ჩაფლული",- განაცხადა გომელაურმა.

შეგახსენებთ, კურორტ შოვში მეწყერი 3 აგვისტოს ჩამოწვა. ამ დროისთვის არსებული ოფიციალური მონაცემებით, სტიქიას 24 ადამიანის სიცოცხლე ემსხვერპლა. მაშველები 9 დაკარგულს ამ დრომდე ეძებენ.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს