"ადამიანის 4 ფრაგმენტია აღმოჩენილი, ეს არის კიდურის ნაწილები"- ამის შესახებ საგანგებო სიტუაციების მართვის სამსახურის ხელმძღვანელმა, თემურ მღებრიშვილმა ჟურნალისტებთან საუბრის დროს განაცხადა.

მისივე თქმით, ამ დროისთვის ჩამოწოლილი მასის დაახლოებით 60% უკვე შესწავლილია.

"გრძელდება ინტენსიური სამუშაოები, როგორც სტიქიის ზონაში, ასევე რიონისა და ჭანჭახის მდინარის კალაპოტებში. სტიქიის ეპიცენტრში უკვე მიწის მასის 60% გადამოწმებული საძიებო სამუშაოების შედეგად. მდინარეს კალაპოტებში 54 კილომეტრის მონაკვეთი, რომელიც არის ამბროლაურის აეროპორტის მიმდებარედ, 18 ლოკაციაზე მიმდინარეობს კონკრეტული წერტილოვანი გადამოწმებები. სტატისტიკა არ შეცვლილა, დღეის მონაცემებით გარდაცვლილი არის 24 ადამიანი 9 ადამიანის ძებნა მიმდინარეობს და ადამიანის 4 ფრაგმენტია აღმოჩენილი, ეს არის კიდურის ნაწილები.

მინდა მადლობა გადავუხადო საქართველოს წითელი ჯვრის საზოგადოებას. მოხალისეების გარკვეული ნაწილი თვითნებურად ცდილობდა მოძრაობას, წითელი ჯვრის საშუალებებით დარეგულირდა ეს საკითხი და ეს მოხალისეები გვეხმარებიან ლოჯისტიკური კუთხით, როგორც ჩვენ ასევე თავდაცვას, გვარდიასა და ადგილზე მყოფ მძიმე ტექნიკის ოპერატორებს", - განაცხადა თემურ მღებრიშვილმა.

შეგახსენებთ, რაჭაში მეწყერი 3 აგვისტოს ჩამოწვა. ამ დროისთვის დადასტურებული მონაცემებით, შოვის სტიქიას 24 ადამიანი ემსხვერპლა. 9 ადამიანი კი კვლავ დაკარგულად მიიჩნევა. დაკარგულებსა და დაღუპულებს შორის არიან ბავშვები. სტიქიის ზონიდან, ჯამში 210 ადამიანია ევაკუირებული.
მომხდართან დაკავშირებით გამოძიება სისხლის სამართლის კოდექსის ორი მუხლითაა დაწყებული. 

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს