2023-08-07 13:45:42, 752 ნახვა
საზოგადოება
EU-ის წარმომადგენლობა - ერთად ვგლოვობთ შოვში 3 აგვისტოს დაღუპულებს
საქართველოში ევროკავშირის წარმომადგენლობა შოვში მომხდარ ტრაგედიას ეხმაურება.
EU-ის წარმომადგენლობა აღნიშნულთან დაკავშირებით სოციალურ ქსელში განცხადებას ავრცელებს.
„ევროკავშირის წარმომადგენლობა სოლიდარობას უცხადებს ქართველ ხალხს და ერთად ვგლოვობთ შოვის მეწყერში 3 აგვისტოს დაღუპულებს“,- ნათქვამია განცხადებაში.
შეგახსენებთ, შოვში მეწყერი 3 აგვისტოს ჩამოწვა. ბოლო ოფიციალური მონაცემებით, სტიქიას 18 ადამიანი ემსხვერპლა, 16 პირი კი, ამ დრომდე დაკარგულად მიიჩნევა. სტიქიის ეპიცენტრიდან 200-ზე მეტი ადამიანის ევაკუაცია მოხდა.
შოვში მომხდარი ტრაგედიის გამო, 7 აგვისტო საქართველოში გლოვის დღედ გამოცხადდა.
ავტორი: ექსპრესნიუსი,
epn.ge (@expressnews.ge)
