2023-08-07 11:52:24, 874 ნახვა
საზოგადოება
ონის მერის ინფორმაციით, შოვში სტიქიის შედეგად დაღუპული 18 ადამიანიდან 14 იდენტიფიცირებულია
ონის მუნიციპალიტეტის მერის, სერგო ხიდიშელის განცხადებით, შოვში სტიქიის ზონაში ნაპოვნი 18 ცხედრიდან 14 იდენტიფიცირებულია.
როგორც ონის მერმა მედიის წარმომადგენლებთან საუბრისას აღნიშნა, ამ დროისთვის მაშველები 16 დაკარგულს ეძებენ.
"სამწუხაროდ, 18 მოქალაქე არის გარდაცვლილი, აქედან 14 იდენტიფიცირებულია, ჯერ კიდევ იძებნება 16 მოქალაქე. სამუშაოები 24-საათიან რეჟიმში, უწყვეტად მიმდინარეობს",- განაცხადა სერგო ხიდიშელმა.
ავტორი: ექსპრესნიუსი,
epn.ge (@expressnews.ge)
